← Back to list

இந்தியர்களின் நலன் காக்கும் அரசாங்கம் !

Jul 31, 2025

இந்திய சமுதாயத்தின் STEM, TVET உள்ளிட்ட, கல்வி, திறன்  மேம்பாட்டுத் திட்டங்களை அரசாங்கம் செயல்படுத்தும் !

அச்சமுதாயத்தின் சேதமடைந்த வீடுகள் புதுப்பிக்கப்படும் எனவும், பிரதமர் டத்தோஶ்ரீ அன்வார் இப்ராஹிம் தெரிவித்துள்ளார். 

இதனிடையே, குறைந்த வருமானம் பெறும் இந்திய மற்றும் சீன சமூகங்களின் தேவைகள் புறக்கணிக்கப்படாது என அவர் மேலும் கூறினார். 

அச்சமூகங்களை, சமூக பொருளாதார துறையில் மேம்படுத்தும் நோக்கில், கல்வி, தொழில்முனைவு, வீடமைப்பு ஆகிய மூன்றையும் உட்படுத்திய, ஒரு முழுமையான யுத்தி அரசாங்கத்தால் செயல்படுத்தப்படும், என்றாரவர்.

நாடாளுமன்றத்தில், 13-ஆவது மலேசியத் திட்டத்தை தாக்கல் செய்த போது, அவர் இவ்வாறான விஷயங்களைக் கூறினார். 

--------- 

ஆசிரியர் பயிற்சி கல்வி கூடங்களில் இருத்னு பட்டம் பெற்ற பிறகு கிடக்கின்ற முதல் வேலையை மறுக்கின்ற ஆசிரியர்கள் மீது, ஒழுங்கு நடவடிக்கைகள் பாயும் ! 

கல்வியமைச்சர் Fadhlina Sidek அவ்வாறு தெரிவித்துள்ளார். 

அவர்கள் முதல் இரண்டு ஆண்டுகளுக்கு மீண்டும் விண்ணப்பிக்கும் வாய்ப்பை இழப்பர் என்றும், கருப்புப் பட்டியலில் அவர்களின் பெயர் உடனடியாக இணைக்கப்படும் என்றும் அவர் சொன்னார். 

நாடு முழுவதும் உள்ள பள்ளிகளில் பாடக் கோரிக்கைகளின் அடிப்படையில், வேலைவாய்ப்புகள் வழங்கப்படுகின்ற நிலையில், அதை நிராகரிப்பது முறையற்ற செயலாகும், என்றாரவர். 

கல்வி சேவைகள் ஆணையத்தில் ஒத்துழைப்புடன், 97 விழுக்காட்டு புதிய ஆசிரியர்கள், வெற்றிகரமாக பணியமர்த்தப்பட்டுள்ளதாக அவர் சொன்னார். 

--------- 

நாடு முழுவதும் மலிவு விலையிலான, சிறப்பு வகை கோழி முட்டைகள், நாளை முதல் விற்பனைக்கு வரும் என விவசாய, உணவு உத்தரவதாக அமைச்சு தெரிவித்துள்ளது !  

சந்தையில் விநியோகப் பாதுகாப்பு,  விலை நிலைத்தன்மையை உறுதி செய்வதற்கான உடனடி நடவடிக்கையாக, அந்த முட்டைகள் அறிமுகமாகிறது.  

நாளையோடு கோழி முட்டைகளுக்கான உதவித் தொகை, முற்றிலுமாக நிறுத்தப்படுகிறது.