← Back to list

பொது உடைமைகளை சுத்தம் செய்யும் சீர்திருத்தங்கள் அறிமுகம் !

Jul 31, 2025

செயற்கை நுண்ணறிவு தயாரிப்பிலான AI deepfakes மாதிரியான படைப்புகளால் பாதிக்கப்பட்டவர்கள், நேரடியாகவே சட்ட நடவடிக்கை எடுக்க அனுமதிக்கப்பட வேண்டும். 

ஊடகங்களுக்கு எதிரான உள்ளடக்கங்களை நீக்குதல், பாதிக்கப்பட்டவர்களுக்கான இழப்பீடு கோருதல் ஆகியவை அதிலடங்கும் என, மலேசிய வழக்கறிஞர் மன்றம் தெரிவித்தது. 

நடப்பில் இருக்கும் சட்டங்களில், தனிநபர் தரவு பாதுகாப்பு ஆணையர் மூலமாகவே நடவடிக்கை எடுக்க முடியும் என்பது குறிப்பிடத்தக்கது. 

இம்மாதிரியான, புதிய பரிந்துரைகளை அமுலுக்கு கொண்டு வர கால அவகாசம் தேவைப்படும் என அது FMT-யிடம் கூறியது. 

மலேசிய மாமன்னர் Sultan Ibrahim மற்றும் பிரதமரை உட்படுத்திய AI Deepfake சம்பவங்கள் முன்னதாகப் பதிவாகின. 

இவ்வாண்டு  இதுவரை, அதன் தொடர்பில் 121 புகார்கள் கிடைக்கப்பெற்றுள்ளதாக தொடர்புத்துறை அமைச்சு தெரிவித்துள்ளது. 

------

மலேசியா My Second Home திட்டம்,  கடந்த ஆண்டு புதுப்பிக்கப்பட்டதிலிருந்து, அரசாங்கம் கிட்டத்தட்ட 840 மில்லியன் ரிங்கிட் வருவாயைப் பெற்றுள்ளது. 

அது, வங்கிகளின் நிலையான வைப்புக் கணக்குகள்,  சொத்து முதலீடுகள் மற்றும் பங்கேற்பு கட்டணங்கள் மூலம் கிடைத்ததாக, சுற்றுலா,  கலை, கலாச்சார அமைச்சு சொன்னது. 

------

நாட்டில் செப்டம்பர் வரை வெப்பமான வானிலை தொடரும் என  தேசிய பேரிடர் நிர்வாக அமைப்பு தெரிவித்துள்ளது. 

தென்மேற்கு பருவமழை காரணமாக அந்நிலை ஏற்படுமன் அது சொன்னது. 

------ 

13வது மலேசிய திட்டமான RMK-13ன் கீழ், பொது உடைமைகளை சுத்தம் செய்யும் சீர்திருத்தங்கள் அறிமுகப்படுத்தப்படும் என வீடமைப்பு ஊராட்சித்துறை அமைச்சு தெரிவித்துள்ளது. 

அது, நாட்டை சுத்தம் செய்யும் பணிகளில் ஒரு பெரிய மாற்றத்தை ஏற்படுத்தும் என எதிர்பார்க்கப்படுகிறது. 

குப்பையற்ற சாலை முயற்சி, இரவில் சுத்தம் செய்யும் பணிகளுக்கு மின்சார வாகனங்களைப் பயன்படுத்துவது ஆகியவை, அச்சீர்திருத்தங்களில் அடங்கும். 

இன்று நாடாளுமன்றத்தில RMK13 திட்டம் தாக்கல் செய்யப்படும். 

அதன்  நேரடி ஒளிபாரப்பை இப்போது  தொடங்கி ASTRO AWANI-யில் நேரலையாகக் காணலாம்.