← Back to list

குழந்தை மரணம்; மாமா நீதிமன்றத்தில் !

Jul 30, 2025

சிலாங்கூர் சுங்கை பூலோவில், நெருநாய் கூட்டத்தால் தாக்கப்பட்டதால், குழந்தை ஒன்று உயிரிழந்ததாகக் கூறப்படும் சம்பவம் தொடர்பில், 19 வயது அதன் மாமா நீதிமன்றத்தில் நிறுத்தப்பட்டுள்ளார் ! 

அவரின் கவனிப்பில் தான், அக்குழந்தை விட்டுச் செல்லப்பட்டது. 

சம்பந்தப்பட்ட அந்நபர், அக்குழந்தை அந்நாய்களால் தாக்கப்பட்டதும் கூட உணராமல் உறங்கிக்கொண்டிருந்ததாக தெரிவிக்கப்பட்டுள்ளது. 

---------- 

சிலாங்கூர் காஜாங்கில், ஆசிரியரை குத்தி தாக்கியதாக தம்மீது சுமத்தப்பட்ட குற்றச்சாட்டை, 14 வயது பள்ளி மாணவன் ஒருவன் ஒப்புக்கொண்டுள்ளான் !  

வகுப்பைத் தவறவிட்டதற்காக ஆசிரியர் அவனைத் திட்டிய பிறகு அச்சம்பவம் நடந்தது காவல் துறை விசாரணையில் தெரிய வந்துள்ளது.   

--------  

இவ்வாண்டு இதுவரை, இந்திய சமூகத்தை மேம்படுத்துவதை நோக்கமாகக் கொண்ட மொத்தம் 16 உயர் தாக்கத் திட்டங்கள் அங்கீகரிக்கப்பட்டுள்ளன ! 

அரசாங்கம், கல்வி, ஆன்மிகம், கலாச்சாரம், சமூக நலன் ஆகிய துறைகளில் முன்னேற்றம் செய்வதற்காக, புதிய திட்டங்களை தயாரித்துள்ளதாக, பிரதமர் அலுவலகம் தெரிவித்தது. 

---------- 

அடுத்து வரும் பள்ளி விடுமுறை மற்றும் தேசிய தினம், சுதந்திர தினம் உள்ளிட்ட பொது விடுமுறைகளை முன்னிட்டு, KL Sentral-Padang Besar இடையில், 2 கூடுதல் ETS ரயில் சேவைகள் அறிவிக்கப்பட்ட்டுள்ளன ! 

அதற்கான டிக்கெட்டுகள் நாளை காலை 10 மணி முதல் விற்பனைக்கு விடப்படும் என KTMB தெரிவித்துள்ளது.

------------ 

பல மாடிகள் கொண்ட பள்ளிகளைக் கட்டும் திட்டத்தின் வழிகாட்டுதல்கள் செய்து முடிக்கப்பட்டுள்ள நிலையில், அவை கூடிய விரைவில் அமைச்சரவையில் தாக்கல் செய்யப்படுமென கல்வியமைச்சு தெரிவித்துள்ளது !