← Back to list

இன்னும் அமெரிக்காவுடன் பேச்சுவார்த்தையில் மலேசியா !

Jul 25, 2025

மலேசிய பொருட்களுக்கான வரியை 20-க்கும் குறைவாகக் குறைப்பது குறித்து, அமெரிக்காவுடன் பேச்சுவார்த்தைகள் நடந்து வருவதாக, முதலீடு, வர்த்தக, தொழில்துறை அமைச்சு தெரிவித்துள்ளது ! 

முன்னதாக அந்நாடு, மலேசியாவில் இருந்து இறக்குமதி செய்யப்படும் பொருட்களுக்கு 25 விழுக்காட்டு வரியை விதித்தது. 

அந்த புதிய வரி, ஆகஸ்ட் 1-ஆம் தேதி முதல் அமலுக்கு வருவதாக உள்ளது. 

---------

Matriculation கல்வி, STPM தேர்வை விட தாழ்வானது என்பதால், மெட்ரிகுலேஷன் திட்டத்தை ஒழிக்க வேண்டும் எனும் பரிந்துரைகளை கல்வியமைச்சு மறுத்துள்ளது ! 

Matriculation என்பது, பல்கலைக்கழகத்திற்கு நேராக செல்வதற்கு முன், மாணவர்கள் தயாராக இருக்க உதவும், கல்வி நிறுவனமாகும். 

இந்த திட்டத்தின் மூலம் பட்டம் பெற்ற மாணவர்களுக்கு, மலேசியா மற்றும் வெளிநாடுகளில் உள்ள பல்கலைக்கழகங்களில் பயில வாய்ப்பு கிடைக்கிறது என அமைச்சர் Fadhlina Sidek தெரிவித்துள்ளார். 

---------- 

இதனிடையே, சிலாங்கூரில் புகைமூட்டம் காரணமாக, பிள்ளைகளை பள்ளிக்கு அனுப்பாமல் இருக்க, பெற்றோர்களும், குழந்தை பராமரிப்பாளர்களும்  அனுமதிக்கப்பட்டுள்ளனர் ! 

பிள்ளைகளை பள்ளிக்கு அனுப்பாமல் இருக்கும் தங்களின் முடிவு குறித்து, பள்ளிக்கு தெரிவிக்கும்படி, மாநில ஆட்சிக்குழு உறுப்பினர் கேட்டுக்கொண்டார்.   

---------- 

Sosma சட்டத்தில் மாற்றங்கள் செய்வதற்கான கொள்கை ஆவணத்தை, உள்துறை அமைச்சு, அடுத்த மாதம் நாடாளுமன்றத்தில் தாக்கல் செய்ய திட்டமிட்டுள்ளது. 

ஜாமீன் தொடர்பான விஷயங்களில், அவ்வாவணம் கவனம் செலுத்தும். 

--------- 

பினாங்கில், பெண் நோயாளியை துன்புறுத்தியது உட்பட நான்கு முறை அநாகரீகமான செயல்களுக்காக கைது செய்யப்பட்ட, மருத்துவர் ஒருவர் மீதான விசாரணையை முடிக்கும்படி, அரசு தரப்பு துணை தலைமை வழக்கறினர், காவல்துறைக்கு உத்தரவிட்டுள்ளது.