← Back to list

சிறப்பு விடுமுறையை கடைபிடியுங்கள் !

Jul 23, 2025

செப்டம்பர் 15-ஆம் தேதி அறிவிக்கப்பட்ட, கூடுதல் பொது விடுமுறையை, அனைத்து முதலாளிகளும் கடைப்பிடிக்க வேண்டும் ! 

அதுவே தங்கள் ஊழியர்கள் அந்நாளன்று வேலை செய்ய வேண்டிய கட்டாயம் இருந்தால், பொது விடுமுறை சம்பள விகிதப்படி, அவர்களுக்கு சம்பளம் வழங்கப்பட வேண்டும் என, மனிதவள அமைச்சு தெரிவித்துள்ளது. 

இல்லையெனில், முதலாளிகள் அவர்களுக்கு வேறொரு தேதியில், மாற்று விடுமுறையை வழங்குவது குறித்து பரிசீலிக்கலாம். 

இன்று காலை பிரதமர் அறிவித்த சில முக்கிய விஷயங்களில், மலேசிய தினத்தை ஒட்டி வழங்கப்பட்ட இந்த கூடுதல் விடுமுறையும் அடங்கும் ! 

----------- 

அதே அறிவிப்பில், ஆகஸ்டு 31ஆம் தேதி தொடங்கி, 18 வயதுக்கு மேற்பட்ட எல்லா மலேசியர்களும், 100 ரிங்கிட் சிறப்பு உதவித் தொகையைப் பெறுவர் என Datuk Seri Anwar Ibrahim தெரிவித்தார். 

நாடு முழுவதுமுள்ள நான்காயிரத்துக்கும் மேற்பட்ட கடைகளில், பொருட்களை வாங்க மட்டுமே, MyKad அடையாள அட்டை வழி பெறும் அத்தொகையைப் பயன்படுத்த முடியும்.  

----------  

இவ்வேளையில், இலக்கு வைக்கப்பட்ட உதவித் திட்டம் ஒன்றின் கீழ், ரோன் 95 ரக பெட்ரோல் விலை, லிட்டருக்கு ஒரு ரிங்கிட் 99 சென்னாகக் குறைக்கப்படுவதாக,  Datuk Seri Anwar அறிவித்தார். 

மலேசியர்களுக்கு மட்டுமான அந்த உதவித் தொகை குறித்த அறிவிப்பு, செப்டம்பர் வாக்கில் வெளிவரும், என்றார் அவர்.  

அதே சமயம், இவ்வாண்டு பத்து நெடுஞ்சாலைகளின் டோல் கட்டணம் உயர்த்தப்படாது என்றும் அவர் தெரிவித்தார்.  

---------  

சிலாங்கூர் பூச்சோங்கில் ஏற்பட்ட தகராறுக்குப் பிறகு, ஒருவர் கடத்தப்பட்ட சம்பவம் தொடர்பில் காவல் துறை ஒரு சந்தேக நபரைக் கைது செய்துள்ளது ! 

கைதான அச்சந்தேக நபருடன், கடத்தப்பட்டதாகக் கூறப்படும் பாதிக்கப்பட்டவரும் கண்டெடுக்கப்பட்டதாக காவல்துறை தெரிவித்தது. 

அச்சம்பவத்தில் ஈடுபட்ட இன்னும் சில நபர்கள் தலைமறைவாக இருப்பதாக அத்துறை கூறியது. 

அச்சம்பவம், கடன் பிரச்சனையால் ஏற்பட்டிருக்கலாம் என நம்பப்படுகிறது.   

-------- 

Negeri Sembilan Seremban-னில், போக்குவரத்துக்கு எதிராக வாகனமோட்டியதாகக் கூறப்படும் நபருக்கு, மனநல பிரச்சனை இருப்பதை காவல்துறை உறுதிப்படுத்தியுள்ளது.