← Back to list

Zayn Rayyan தந்தை விடுவிக்கப்பட்டார் !

Jul 21, 2025

Zayn Rayyan மரணம் தொடர்பில், அலட்சியம் காட்டிய குற்றச்சாட்டை எதிர்கொண்டிருக்கும் அவனது தாய், தற்காப்பு வாதம் புரிய உத்தரவிடப்பட்டுள்ளார் !  

எனினும் அதே குற்றச்சாட்டில் இருந்து, அச்சிறுவனின் தந்தையை, Petaling Jaya Sessions நீதிமன்றம் விடுவித்தது.  

அரசு தரப்பு, அவருக்கு எதிரான வழக்கை நிரூபிக்கத் தவறியிருப்பதே அதற்குக் காரணம்.  

2023 டிசம்பரில், சிலாங்கூர்  Damansara Damai-யில்  அச்சிறுவன் உயிரிழந்துகிடக்கக் கண்டெடுக்கப்பட்டான். 

-------- 

பேருந்து ஓட்டுநர்களை உட்படுத்திய பாதுகாப்பு அம்சங்களை ஆராய்வது உள்ளிட்ட, திட்டமிடப்பட்ட அமலாக்க நடவடிக்கைகளைப், போக்குவரத்து அமைச்சு செயல்படுத்தும் ! 

அரசாங்கப் பேச்சாளர் Datuk Fahmi Fadzil அவ்வாறு தெரிவித்துள்ளார்.  

UPSI மாணவர்கள் 15 பேர் மரணமடையக் காரணமான பேருந்து விபத்து தொடர்பான முதற்கட்ட விசாரணை அறிக்கையின் முடிவுகள், கடந்த வெள்ளிக்கிழமை அமைச்சரவையில் விவாதிக்கப்பட்டதை அடுத்து, அவர் அவ்வாறு சொன்னார்.   

----------- 

மலேசியர்கள், MyDigital ID முறையில் பதிவு செய்வதை கட்டாயமாக்கும் சட்டத்தை அறிமுகப்படுத்துவதை, அரசாங்கம் மறுக்கவில்லை !

இது, இணையதள சேவைகளின் பாதுகாப்பை உறுதி செய்யும் ஒரு முக்கிய முன்முயற்சியாக கருதப்படுகிறது. 

--------- 

பஹாங் Bentong, கிளாந்தான் மாச்சாங் மற்றும் சபா Kota Marudu-வில், முதல் நிலை வெப்ப எச்சரிக்கை விடுக்கப்பட்டுள்ளது ! 

அவ்விடங்களில், தொடர்ந்து மூன்று நாட்களுக்கு வெப்பம், 35 முதல் 37 பாகை செல்சியசாக இருக்கும் என, மலேசிய வானிலை ஆய்வு மையம் தெரிவித்துள்ளது. 

--------

இதனிடையே, மாலை 4 மணி வரையிலான நிலவரப்படி, Negeri Sembilan, Melaka உட்பட சில மாநிலங்களின் பெரும்பாலான பகுதிகளில், காற்றின் தரம் ஆரோக்கியமற்ற நிலையில் உள்ளது.