← Back to list

Op Metal அதிரடி சோதனை !

Jul 15, 2025

Op Metal சோதனை நடவடிக்கையில் கிட்டத்தட்ட 183 மில்லியன் ரிங்கிட் சொத்துக்கள் பறிமுதல் செய்யப்பட்டுள்ளன ! 

பழைய இரும்பு பொருட்கள் கடத்தல் கும்பலுக்கு எதிராக, மலேசிய ஊழல் ஒழிப்பு ஆணையம் அந்நடவடிக்கையில் இறங்கியுள்ளது. 

இச்சம்பவத்தில் தொடர்புடையவர்களை MACC அடையாளங்கண்டு வருகிறது. 

நாட்டின் ஏற்றுமதி வரி வருவாயில், கிட்டத்தட்ட ஒரு பில்லியன் ரிங்கிட் நட்டம் ஏற்பட்டதற்கு, அக்கும்பல் காரணமாக இருப்பதாகக் கூறப்படுகிறது.

--------- 

இல்லற வாழ்க்கை என்ற பெயரில் சர்ச்சைக்குரிய கருத்தரங்கை நடத்தியதாகக் கூறப்படும் நிறுவனமொன்றின் உரிமையாளர்கள் கைது செய்யப்பட்டுள்ளனர் ! 

பெட்டாலிங் ஜெயா காவல்துறை தலைமையகத்தில் வாக்குமூலமளிக்க வந்த போது, அவர்கள் கைதானதாக தெரிவிக்கப்பட்டுள்ளது. 

கடந்தாண்டு நடைபெற்ற அந்நிகழ்வில் ஆபாசமான செயல்கள் இடம்பெற்றதாக பரபரப்பு புகார்கள் எழுந்துள்ளன.

------------ 

முன்மொழியப்பட்ட வெளிநாட்டு தூதரை ஏற்கவோ அல்லது நிராகரிக்கவோ, மலேசியாவுக்கு உரிமை உண்டு ! 

அரசாங்க பேச்சாளர் Datuk Fahmi Fadzil அவ்வாறு தெரிவித்துள்ளார். 

சர்ச்சைக்குரிய ஒருவர் மலேசியாவுக்கான, அடுத்த அமெரிக்க தூதராக பரிந்துரைக்கப்பட்டதாக கூறப்படுவது குறித்து, பல தரப்பினர் அதிருப்தி தெரிவித்துள்ளதை அடுத்து, அமைச்சர் அவ்விளக்கத்தைக் கொடுத்தார். 

---------- 

சிலாங்கூர் சுபாங் ஜயாவில், தனது முன்னாள் காதலியை கத்தியால் குத்தியதாகக் கூறப்படும் வெளிநாட்டு ஆடவர், நான்கு நாட்களுக்குத் தடுத்து வைக்கப்படுகிறார்.. 

அத்தாக்குதலுக்கான காரணத்தை காவல்துறை கண்டறிந்து வருகிறது. 

------------

பேராக், கிளாந்தான், திரங்கானு, சபா, சரவாக் ஆகிய மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யலாம் என Met Malaysia தெரிவித்துள்ளது.