← Back to list

ஆசியர்களுக்கு வரம்புகள் நிர்ணயிக்கப்படும் !

Jul 14, 2025

பள்ளி சார்ந்த நடவடிக்கைகளைக் கடந்து, வெளி நடவடிக்கைகளில் பங்கேற்கும் ஆசிரியர்களின் எண்ணிகையில் வரம்புகள் நிர்ணயிக்கப்படும் ! 

அது குறித்து பரிசீலிக்கப்படுவதாக, கல்வியமைச்சு தெரிவித்துள்ளது. 

இது போன்ற நடவடிக்கைகளுக்காக, ஒரே நேரத்தில் எத்தனை ஆசிரியர்கள் பள்ளிக்கு வெளியே இருக்க முடியும் என்பது குறித்து விவாதிக்கப்படும் என அவ்வமைச்சு கூறியது.  

மேலும், ஆசிரியர்களுக்கு, அதிக சுமையைத் தவிர்க்க, வெளிப்புற மற்றும் இணை பாடத்திட்ட நடவடிக்கைகளை முறையாக ஒருங்கிணைக்கும்படி, பள்ளி முதல்வர்களும், தலைமை ஆசிரியர்களும் கேட்டுக்கொள்ளப்படுகின்றனர். 

----------- 

பட்டதாரிகளுக்கான வேலைவாய்ப்பு விகிதம் 30 விழுக்காட்டுக்கும் கீழ் உள்ள பட்டப்படிப்புகளை மறுஆய்வு செய்யுமாறு, அரசாங்க பல்கலைக்கழகங்கள் உத்தரவிடப்பட்டுள்ளன.

மாணவர்களின் எதிர்காலத்தை பாதுகாக்க ஏதுவாக, வேலைவாய்ப்பு அதிகமுள்ள பட்டப்படிப்புகளையே வழங்குவதை, பல்கலைக்கழகங்கள் உறுதிச் செய்ய வேண்டும் என உயர்கல்வி அமைச்சு தெரிவித்தது.  

78.7 விழுக்காட்டுப் பட்டதாரிகள், பட்டப்படிப்பு முடிந்ததும், பணி வாழ்க்கைக்குத் தேவையான திறன்களுடன் முழு தயாராக இல்லை என்பது ஆய்வொன்றில் தெரிய வந்துள்ளது. 

---------- 

மலேசியாவில் British நாட்டு வாலிபன் காணாமல் போனதாகக் கூறப்படும் சம்பவம் தொடர்பில், ஐவரின் வாக்குமூலங்கள் பதிவு செய்யப்பட்டுள்ளன ! 

----------- 

கெடா, பேராக் உட்பட சில மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என Met Malaysia கணித்துள்ளது.

----------- 

நாடு முழுவதும் நேற்று மட்டும், 1,400-க்கும் மேற்பட்ட சாலை விபத்துகள் பதிவுச் செய்யப்பட்டன; அதில் 12 மரணங்கள் பதிவாகின.

----------- 

பழம்பெரும் தமிழ்த் திரைப்பட நடிகை சரோஜா தேவியின் மறைவுக்கு, தலைவர்கள், திரையுலகினர், இரசிகர்கள் என அனைவரும், ஆழ்ந்த அனுதாபங்களைத் தெரிவித்து வருகின்றனர். 

ஆகக் கடைசியாக அவர் தமிழில், ஆதவன் எனும் திரைப்படத்தில் நடித்திருந்தார். 

சுமார் 200 திரைப்படங்களில் நடித்து, இந்தியத் திரையுலகிற்கு ஆற்றிய பங்களிப்புகளுக்காக, பத்மஸ்ரீ, பத்மபூஷன், இந்திய அரசின் வாழ்நாள் சாதனையாளர் விருது, தமிழ்நாடு அரசின் கலைமாமணி விருது என, எண்ணற்ற பெருமைகளைப் பெற்றவர் சரோஜா தேவி.

எம்.ஜி.ஆர், சிவாஜி, ஜெமினி கணேசன் என்ற சகாப்தங்களுடன் நடித்து ஈடு இணையற்ற புகழைப் பெற்றவரான சரோஜா தேவி, வயது மூப்பு காரணமாக, தனது 87-ஆவது வயதில் இன்று காலமானார்.