← Back to list

பிள்ளைகளின் வளர்ச்சிக்கு குடும்பச்சூழல் முக்கியம்!

Jul 14, 2025

கல்வித் துறையின் வெற்றிக்கு வலுவான குடும்பம் அடித்தளமானது ! 

பிள்ளைகளின் வளர்ச்சிக்கு நல்ல சூழலை உருவாக்குவதில், குடும்பத்தின் பங்கு முக்கியம் என மகளிர், குடும்ப மற்றும் சமூக மேம்பாட்டு அமைச்சர் Datuk Seri Nancy கூறினார்.   

அந்த இலக்கை அடைவதில், பள்ளிகளில் குடும்பம் மற்றும் பெற்றோர் ஆதரவு திட்டங்களைச் செயல்படுத்த வேண்டும் என அவர் வலியுறுத்தினார். 

மேலும், B40 குடும்பங்களைச் சேர்ந்த மாணவர்களுக்கு பள்ளி உபகரணங்கள், சிறிய உதவித் தொகைகள், ஊக்குவிப்புத் திட்டங்கள், இலக்கவியல் கல்வியறிவு துறைகளை வலுப்படுத்தும் மேம்பாட்டு முயற்சிகள் ஆகியவை தொடர்ந்து மேற்கொள்ளப்படுகின்றன என்று அவர் கூறினார்.  

சவால் மிகுந்த உலகில், வளர்ந்து வரும் இளைஞர்கள் கல்வியில் சிறந்து விளங்குவதோடு, போட்டித்தன்மையுடனும் இருக்க வேண்டும் என்றும் அமைச்சர் கூறினார்.  

------ 

கிளந்தானில், உணவு விற்பனையாளர் ஒருவரின் வணிகத்தை, சுகாதார அமைச்சு தற்காலிகமாக நிறுத்தி வைத்துள்ளது. 

அதன் உணவை சாப்பிட்டதால் 400-க்கும் மேற்பட்ட தனியார் கல்லூரி மாணவர்கள் நச்சு உணவு பாதிப்புக்குள்ளாதகியிருக்கின்றனர்.  

தனியார் இல்லத்தில் செயல்பட்டு வந்த அந்த கேட்டரிங் நிறுவனம், சுகாதார அமைச்சின் கீழ் பதிவு செய்யப்படவில்லை என்பது விசாரணையில் தெரிய வந்துள்ளது. 

------- 

கடந்த சனிக்கிழமை KLIA அனைத்துலக விமான நிலையத்தில், aerotrain சேவையில் சிறிய இடையூறு ஏற்பட்டதற்கு, விமான நிலைய நிர்வாகம் மன்னிப்பு கேட்டுள்ளது. 

அது மையப்பகுதியின், துணை மின் நிலையத்தில் ஏற்பட்ட மின்சாரக் கோளாறு காரணமாக ஏற்பட்டதாக தெரிவிக்கப்பட்டுள்ளது. 

எனினும் அச்சம்பவம், பயணிகள் போக்குவரத்தில் எவ்வித தடைகளையும்  ஏற்படுத்தவில்லை என்றும் அது சொன்னது. 

-------- 

KTMB மலேசியாவின் முதல் வாழ்க்கை முறை இலக்கவியல் செயலியான KITS Style- ஐ அறிமுகப்படுத்தியுள்ளது. 

அது பயனர்கள் ரயில், தங்கும் விடுதிகள், விமான சேவைகளுக்கான டிக்கட்டுகளை வாங்குவது, கட்டணங்களைச் செலுத்துவது உள்ளிட்ட  வசதிகளை கொண்டிருக்கும்.