← Back to list

இந்தியர்களின் மக்கள்தொகை குறையும் !

Jul 11, 2025

மலேசியாவின் மக்கள் தொகை 2060-ஆம் ஆண்டு வாக்கில் 4 கோடியே 23 லட்சத்தை எட்டும் என எதிர்பார்க்கப்படுகிறது.  

எனினும், அதற்கடுத்த ஆண்டுகளில், மக்கள் தொகை மெல்லக் குறையத் தொடங்கும்.

அக்காலகட்டத்தில் மலேசியா வயதான நாடாக இருக்கும் என்பதே அதற்குக் காரணமென புள்ளிவிவரத் துறை கூறுகிறது. 

இவ்வேளையில், இந்தியர்களின் எண்ணிக்கை 6.3 விழுக்காட்டில் இருந்து, அப்போது 4.7 விழுக்காடாகக் குறையும் என அத்துறை கணித்துள்ளது. 

சீனர்களின் மக்கள் தொகையும் அதிர்ச்சியளிக்கும் வகையில் 14.8 விழுக்காட்டுக்கு சரிவுக் காணுமென எதிர்பார்க்கப்படுகிறது. 

--------- 

காணாமல் போனதாகக் கூறப்படும் British நாட்டு சிறுவனின் இருப்பிடத்தைக் கண்டறிய, காவல்துறை முயற்சித்து வருகிறது ! 

சொந்த ஊரிலிருந்து மலேசியாவுக்கு வந்த அந்த 17 வயது வாலிபன், KLIA-வில் இறங்கியவுடன், பேருந்தில் KL Sentral-லுக்கு வந்தது, முதற்கட்ட விசாரணையில் தெரிய வந்துள்ளது.

அந்த வாலிபன், மலேசியாவை விட்டு வெளியேறியதற்கான, குடிநுழைவு பதிவுகள் ஏதும் இல்லாததால், அவன் இன்னும் மலேசியாவில் தான் இருப்பதாக அத்துறை நம்புகிறது. 

------------  

கிளாந்தான் KOTA BHARU-வில் உள்ள உணவு தயாரிப்பு வளாகமொன்று மூட உத்தரவிடப்பட்டுள்ளது ! 

400-க்கும் மேற்பட்ட தனியார் கல்லூரி மாணவர்கள் நச்சுணவுக்கு ஆளான சம்பவத்துக்கு, அவ்வளாகத்துக்குத் தொடர்பிருப்பதாக நம்பப்படுவதை அடுத்து, அவ்வுத்தரவு பிறப்பிக்கப்பட்டிருக்கிறது. 

----------- 

இந்தோனேசியா, Bali தீவில் ஏற்பட்ட Feri விபத்தில் பலியானவர்களில், மலேசியர் ஒருவரின் உடல், அந்நாட்டிலேயே நல்லடக்கம் செய்யப்பட்டுள்ளது ! 

கடந்த வாரம் நிகழ்ந்த அவ்விபத்தில், 15 பேர் உயிரிழந்து, 20 பேர் காணாமல் போயுள்ளனர். 

---------- 

நாடு முழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்டன; அதில் 7 மரணங்கள் பதிவாகின.