← Back to list

இலவச தமிழ்மொழி வழிகாட்டி நூல் !

Jul 11, 2025

STPM தேர்வில் தமிழ்மொழி பாடத்தையும் எடுக்கும் நாட்டிலுள்ள சுமார் 700 மாணவர்களுக்கு, இலவச தமிழ்மொழி வழிகாட்டி நூல் வழங்கப்படவுள்ளன! 

மூன்று தவணைகளுக்குமான பாடங்களையும் உட்படுத்தியிருக்கும் அந்த வழிகாட்டி நூலை, தேர்வுக்குத் தயாராக மாணவர்கள் பயன்படுத்திக் கொள்ளலாம் என, தேசிய ஒருமைப்பாட்டுத் துணை அமைச்சர் சரஸ்வதி கந்தசாமி தெரிவித்தார். 

நாடளாவிய நிலையில் தமிழ்மொழி பாடத்தை எடுக்கும் எல்லா STPM மாணவர்களுக்கும் இலவசமாக வழங்கப்படும் அபுத்தகத்தைப் பள்ளிகள் பெற்றுக் கொள்ளும்படி அறிவுறுத்தப்படுகின்றன. 

தமிழ்மொழி ஆசிரியர்களின் பற்றாக்குறையைக் களையும் அதே வேளை, குறிப்புப் புத்தகங்களை அதிகப்படுத்தும் அரசாங்கத்தின் முயற்சிகளில் அதுவும் ஒன்று என சரஸ்வது மேலும் கூறினார். 

------ 

ஆசிரியர்களின் பணிச்சுமையைக் குறைப்பதை நோக்கமாகக் கொண்டு ஏழு நடவடிக்கைகளை கல்வி அமைச்சு அறிமுகப்படுத்தவிருக்கிறது! 

குறைந்த தாக்கத்தை ஏற்படுத்தும் பள்ளி நிகழ்வுகளை ரத்து செய்வது, பொது உறுப்பினர்களை தேர்வு கண்காணிப்பாளர்களாக நியமிப்பது ஆகியவையும் அதிலடங்கும் என, கல்வி அமைச்சர் Fadhlina Sidek தெரிவித்துள்ளார். 

அரசாங்கத்தின் இம்முயற்சியை மாநில மற்றும் மாவட்ட கல்வித் துறைகளும், பள்ளி நிர்வாகங்களும் சரி வர பின்பற்ற வேண்டும். 

கல்வி துறை தலைமை இயக்குனர்கள் அதனைக் கண்காணிக்கும் பொறுப்பை ஏற்பர் என அமைச்சர் மேலும் சொன்னார். 

------  

காணாமல் போனதாகக் கூறப்படும் British நாட்டு சிறுவன் இன்னும் மலேசியாவில் தான் இருப்பதாக நம்பப்படுகிறது! 

சொந்த ஊரிலிருந்து மலேசியாவுக்கான ஒரு வழி விமானத்தில் ஏறி வந்த அந்த 17 வயது வாலிபன், ஜூன் 7ஆம் தேதி மலேசியாவுக்குள் நுழைந்துள்ளதாகக் காவல் துறை தெரிவித்துள்ளது. 

பொதுமக்கள் தகவல் தர ஏதுவாக, அவனது புகைப்படம் வெளியிடப்பட்டிருப்பதாக, Sinar Harian தகவல் கூறுகிறது. 

------ 

பேராக், கெடா, பினாங்கு மற்றும் ஜொகூரில் கனமழை எச்சரிக்கை விடுக்கப்பட்டுள்ளது.   

அம்மாநிலங்களின் சில பகுதிகளில் இன்று காலை ஒன்பது மணி  வரை, இடியுடன் கூடிய கனமழை பெய்யும் என, MetMalaysia கணித்துள்ளது.

-----  

இந்தியா குஜராத்தில் உள்ள காம்பிரா பாலம் இடிந்து விழுந்த சம்பவத்தில் உயிரிழந்தவர்களின் எண்ணிக்கை 18ஆக உயர்ந்துள்ளது! 

மேலும் இருவரை தேடும் பணிகள் இன்று காலை தொடரும் என அதிகாரிகள் தெரிவித்துள்ளனர். 

நேற்று முன்தினம் அப்பாலம் திடீரென இடிந்து விழுந்ததில், அதிலிருந்து வாகனங்கள் ஒன்றின் பின் ஒன்றாக ஆற்றுக்குள் கவிழ்ந்தன. 

அச்சம்பவத்தை அடுத்து, அப்பாலத்துடன் தொடர்புடைய மாநில சாலை மற்றும் கட்டிடத் துறையின் நான்கு பொறியியலாளர்கள் பணி நீக்கப்பட்டனர்.