← Back to list

ஜொகூரில் ஹெலிகாப்டர் விபத்து !

Jul 10, 2025

சிலாங்கூர் Cyberjaya-வில், பல்கலைக்கழக மாணவியைக் கொலை செய்ததாக, காதல் ஜோடி மீது குற்றம் சுமத்தப்பட்டுள்ளது ! 

19 வயதான M.ஸ்ரீ டர்வீன் கொலை குற்றச்சாட்டை எதிர்நோக்கியுள்ளான். 

அவனது காதலி, கொலை செய்யத் தூண்டிய குற்றச்சாட்டை எதிர்நோக்கியுள்ளார்.  

அவ்விருவரும், இன்று காலை 9 மணியளவில் செப்பாங் Majistret நீதிமன்றத்திற்குக் கொண்டு செல்லப்பட்டனர்.   

கடந்த மாதம், சரவாக்கைச் சேர்ந்த பாதிக்கப்பட்ட மாணவி, பல்கலைக்கழகமொன்றால் வழங்கப்பட்டிருக்கும் குடியிருப்புப் பகுதியில், கொல்லப்பட்ட நிலையில் கண்டெடுக்கப்பட்டார். 

--------- 

ஜொகூர் சிம்பாங் பூலாய் அருகே, அவசரமாக தரையிறக்கப்பட்ட காவல்படை ஹெலிகாப்டரில் இருந்த, விமானி உள்ளிட்ட ஐவரில், இரண்டு காவல்துறை அதிகாரிகள் ஆபத்தான நிலையில் இருக்கின்றனர் !   

மற்ற மூவர் நல்ல நிலையில் இருப்பதாக தெரிவிக்கப்பட்டுள்ளது.  

அவர்கள் அனைவரும், Sultanah Aminah மருத்துவமனையில் சிகிச்சை பெற்று வருகின்றனர்.  

பயிற்சியில் ஈடுபட்டிருந்த போது, அந்த ஹெலிகோப்டர் விபத்துக்குள்ளானது.  

------- 

நெடுஞ்சாலைகளில், சைக்கிளோட்ட நடவடிக்கைகளுக்கு அனுமதிக்கப்படாது என,  PDRM-மின் போக்குவரத்து மற்றும் அமலாக்கத்துறை தெரிவித்துள்ளது ! 

அது கார், மோட்டார்சைக்கிள், லாரி, பேருந்து ஆகியவை பயணிப்பதாகும் என அத்துறை கூறியது.  

முன்னதாக, Kuala Selangor - KL பாதையில், சைக்கிளோட்ட குழுவொன்று, பேருந்து ஒன்றை மறித்து சைக்கிளோட்டிச் சென்ற சம்பவம் நிகழ்ந்தது.  

------- 

இதனிடையே, நாடு முழுவதும் நேற்று மட்டும், 1.800-க்கும் மேற்பட்ட சாலை விபத்துகள் பதிவு செய்யப்பட்டன; அதில் 7 மரணங்கள் பதிவாகின.

-------- 

KL Petaling Street-டில் பாலியல் தொழிலுக்கு உட்படுத்தப்பட்டதாக நம்பப்படும் 14 வெளிநாட்டுப் பெண்கள் குடிநுழைவுத் துறையினரால் காப்பற்றப்பட்டுள்ளனர் !