← Back to list

குருக்கள் மீது கடும் நடவடிக்கை பாய வேண்டும் !

Jul 09, 2025

சிலாங்கூர் செப்பாங்கில் உள்ள ஆலயமொன்றில், பெண் பக்தரிடம் தகாத முறையில் நடந்து கொண்டதாகக் கூறப்படும் குருக்கள் மீது, கடும் நடவடிக்கை எடுக்கப்பட வேண்டும் என இந்து சங்கம் தெரிவித்துள்ளது ! 

இதுபோன்ற ஒரு சிலரின் செயல், ஆலயத்தின் தூய்மைக்கும், இந்து மதத்தின் நெறிமுறைக்கும் எதிரானது என அச்சங்கத்தின் தலைவர் தங்க கணேசன் கூறினார். 

அச்சம்பவம் தொடர்பிலான விசாரணைக்கு, தமது தரப்பு காவல்துறைக்கு முழு ஒத்துழைப்பு வழங்க தயாராக இருப்பதாகவும் அவர் சொன்னார். 

சம்பந்தப்பட்ட பெண்ணிடம் தகாத முறையில் நடந்து கொண்டதாகக் கூறப்படும் குருக்களை, காவல்துறை வலைவீசி தேடி வருகிறது. 

ஜூன் மாதம் நிகழ்ந்த அச்சம்பவத்தில், தாம் பதிக்கப்பட்டதாகக் கூறி, சம்பந்தப்பட்ட பெண், முன்னதாக சமூக ஊடகத்தில் பதிவிட்டது வைரலாகியது.

------------ 

இம்மாதம் தொடங்கி செப்டம்பர் வரை நீடிக்கும் என எதிர்பார்க்கப்படும், தென்மேற்கு பருவமழை காரணமாக, ஜொகூரில் திறந்தவெளி எரிப்பு  நடவடிக்கைளைத் தவிர்த்துக்கொள்ளும்படி, மாநில தீயணைப்பு, மீட்புத் துறை பொதுமக்களை கேட்டுக்கொண்டுள்ளது ! 

அவை, காட்டுத் தீ சம்பவங்கள் உள்ளிட்ட பிரச்சனைகளுக்கு இட்டுச் செல்லும் என அத்துறை கூறியது. 

அக்காலகட்டத்தின் போது, வெளிநடவடிக்கைகளை தவிர்த்துக்கொள்ளும்படியும், Met Malaysia கேட்டுக்கொண்டது.

------------ 

சிலாங்கூர் Cyberjaya-வில் பல்கலைக்கழக மாணவி கொலை செய்யப்பட்ட சம்பவம் தொடர்பிலான, முக்கிய சந்தேக நபரும், அவரது காதலியும் நாளை குற்றஞ்சாட்டப்படுவர் ! 

பல்கலைக்கழகம் ஒன்றால் வழங்கப்பட்டிருக்கும் குடியிருப்புப் பகுதியில், 20 வயதான சரவாக்கைச் சேர்ந்த அந்த பெண், கொலையுண்ட நிலையில் கண்டெடுக்கப்பட்டார்.

---------- 

கடந்தாண்டு, ஜொகூர் பாகோவில் தனது பெற்றோர் மற்றும் உறுவுக்கார பிள்ளையை கொலை செய்ததாக தம்மீது கொண்டுவரப்பட்ட குற்றச்சாட்டை, நபர் ஒருவர் மறுத்துள்ளார் !

----------- 

நாளை தொடங்கி ஒரு வாரத்திற்கு, டீசல் விலை 3 சென் உயர்கின்ற வேளை, RON97, RON95 ரக பெட்ரோல் விலையில் மாற்றமில்லை !