← Back to list

மலேசியா அமைதியான நாடு !

Jul 05, 2025

இவ்வாண்டின் உலக அமைதி குறியீட்டு தரவரிசையில், 163 நாடுகளில், மலேசியா 13-வது இடத்தில் உள்ளது ! 

கடந்தாண்டு மலேசியா, 10-வது இடத்தில் இருந்த நிலையில், தற்போது மூன்று நிலைகளால் பின்தங்கியுள்ளது. 

ஆனாலும், நாட்டின் அமைதி மதிப்பெண்களில் மாற்றமில்லை. 

அக்குறியீட்டை மேம்படுத்த மேற்கொள்ள வேண்டிய முயற்சிகளில், மலேசியாவிற்கு அதிக சுற்றுப் பயணிகளை ஈர்ப்பதும் அடங்கும் என உள்துறை அமைச்சு தெரிவித்தது. 

-------- 

கட்டாயம் இருக்கை வார்ப்பட்டை அணிய வேண்டும் எனும் விதிமுறையை, அதிகமான பேருந்து ஓட்டுநர்களும், பயணிகளும் கடைபிடித்து வருகின்றனர் !  

கடந்த செவ்வாய்கிழமை அவ்விதிமுறை முழு அமலாக்கத்துக்கு வந்ததில் இருந்து சோதனையிடப்பட்ட 1 லட்சத்து 23-ஆயிரத்துக்கும் மேற்பட்டவர்களில், ஏறக்குறைய 300 பேருக்கு மட்டுமே அபராதம் விதிகப்பட்டதாக, சாலை போக்குவரத்துத் துறை தெரிவித்துள்ளது.

மூவாயிரத்துக்கும் மேற்பட்ட விரைவு மற்றும் சுற்றுலாப் பேருந்துகள் சோதனையிடப்பட்டன.  

--------- 

KLIA- வில் Aerotrain சேவைகளில் ஏற்பட்ட இடையூறு, அதன் புதிய அமைப்பில் உள்ள பலவீனத்தால் ஏற்பட்டதாகக் கூறி வரும் கூற்றை, போக்குவரத்து அமைச்சு மறுத்துள்ளது !  

சுரங்கப்பாதையில் உள்ள வடிகால் குழாய் ஒன்றில் ஏற்பட்ட தொழில்நுட்பக் கோளாறே அதற்குக் காரணம் என்பதை, அவ்வமைச்சு தெளிவுப்படுத்தியது.  

--------- 

ஆசியான் வெளியுறவு அமைச்சர்கள் கூட்டத்தை முன்னிட்டு, அடுத்த வார செவ்வாய்கிழமை தொடங்கி, சனிக்கிழமை வரை, கிள்ளான் பள்ளத்தாக்கில், 3 முக்கிய நெடுஞ்சாலைகள் மற்றும் 15 முக்கிய சாலைகள், கட்டங்கட்டமாக மூடப்படும்.  

போக்குவரத்து நிலவரங்களைத் தெரிந்துகொள்ள, Astro Radio Traffic சமூக ஊடகங்களை வலம் வரலாம். 

---------- 

இந்தோனேசியா பாலி தீவில் படகு கவிழ்ந்து மாயமானவர்களில் ஒருவர், மலேசியர் என அஞ்சப்படுகிறது.