← Back to list

இருக்கை வார்ப்பட்டை அணிந்தாக வேண்டும் !

Jul 02, 2025

விரைவு மற்றும் சுற்றுலா பேருந்தில் பயணத்தை தொடங்குவதற்கு முன், தங்களின் இருக்கை வார்ப்பட்டை நல்ல நிலையில் இருப்பதை உறுதிச் செய்துக்கொள்ளும்படி பயணிகள் அறிவுறுத்தப்பட்டுள்ளனர் ! 

அதுவே அந்த வார்ப்பட்டை பயன்படுத்துவதற்கு நல்ல நிலையில் இல்லாமல் இருந்தால், பயணிகள் சம்பந்தப்பட்ட பேருந்து ஓட்டுநரிடம் தெரிவிக்க வேண்டுமென சாலை போக்குவரத்துத் துறை தெரிவித்துள்ளது. 

கெடாவில் நேற்று, இருக்கை வார்ப்பட்டை அணியத் தவறிய, சுமார் 16 பயணிகளுக்கு, அபராதம் விதிக்கப்பட்டது.  

இருக்கை வார்ப்பட்டை கட்டாயம் அணிய வேண்டும் எனும் விதிமுறை, நேற்று முதல் முழு அமலுக்கு வந்தது. 

-------- 

இதனிடையே, வாகனங்களில் இருக்கை வார்ப்பட்டை அணியாமல் ஓட்டும் போது, ஒலி எழாமல் செய்யும் கருவிகளின் இறக்குமதிக்கு, இவ்வாண்டு இறுதி முதல் தடை செய்ய, அரசாங்கம் முடிவெடுத்துள்ளது ! 

இருக்கை வார்ப்பட்டை அணிவதற்குப் பதிலாக, இந்தக் கருவிகளைப் பயன்படுத்தும் ஓட்டுநர்களின் எண்ணிக்கை அதிகரித்து வருவதால், அதனை தடை செய்ய, போக்குவரத்து அமைச்சு, உள்நாட்டு வாணிக, வாழ்க்கைச் செலவீன அமைச்சுடன் பேச்சுவார்த்தையில் ஈடுபட்டுள்ளது. 

--------  

விரிவுப்படுத்தப்பட்ட SST நேற்று முதல் அமலுக்கு வந்திருப்பதை அடுத்து, நியாயமற்ற விலை  உயர்வை கண்டால், பொதுமக்கள் உடனடியாக புகார் அளிக்க வேண்டும் ! 

அதை ஒரு காரணமாக வைத்து, விலையேற்றும் சம்பவங்களைத் தடுக்க, உளநாட்டு வாணிக, வாழ்க்கைச் செலவீன அமைச்சு, சிறப்பு நடவடிக்கையொன்றை தொடங்கியுள்ளதாக, அரசாங்க பேச்சாளர் Datuk Fahmi Fadzil தெரிவித்துள்ளார். 

-------- 

KL Brickfields-சில் ஒருவர் பலியான தூப்பாக்கிச் சூட்டு சம்பவத்தில் ஈடுபட்ட சந்தேக நபர்கள், அடையாளம் காணப்பட்டுள்ளனர் ! 

அவர்களைக் கைது செய்யும் நடவடிக்கை மேற்கொள்ளப்பட்டு வருவதாகக் காவல்துறை கூறியது. 

---------

ஜொகூர் பத்து பஹாட்டில் உள்ள இடைநிலைப்பள்ளி ஒன்றில், ஒரு பெண்ணின் புகைப்படத்தைத் திருத்தியதால், 15 வயது மாணவரை காயப்படுத்திய நான்கு மாணவர்கள், 90 மணிநேர சமூக சேவையை மேற்கொள்ள உத்தரவிடப்பட்டுள்ளனர் !