← Back to list

SMC தோற்றுநர் தான்ஸ்ரீ Dr.M.தம்பிராஜா மறைவு!

Jun 23, 2025

SMC எனப்படும் ஶ்ரீ முருகன் கல்வி நிலையத்தின் தோற்றுநர் Tan Sri Dr. M. Thambiraja, தனது 83-வது வயதில், இன்று காலமானார். 

மூத்த கல்வியாளர் மற்றும் சமூக சீர்திருத்தவாதியான அவரது பணி, நாடு முழுவதும் பல்லாயிரக்கணக்கானோரின் வாழ்க்கையை மாற்றியுள்ளது.  

1982-ஆம் ஆண்டு அமைக்கப்பட்ட SMC மூலம் ஆண்டுதோறும் 10,000 க்கும் மேற்பட்ட மாணவர்கள் பலன் பெற்றுள்ளதோடு, ஐம்பதாயிரம் பட்டதாரிகளுக்கும் மேல் உருவாகியுள்ளனர். 

இந்தியச் சமூகத்துக்கு தான்ஸ்ரீ தம்பிராஜா ஆற்றியக் கல்விப் பணி அளப்பரியதாகும். 

அவரின் நல்லுடக்கு பெட்டாலிங் ஜெயா ஶ்ரீ முருகன் ஆசிரமத்தில் பொதுமக்கள் நாளை இறுதி மரியாதை செலுத்தலாம். 

---- 

மத்திய கிழக்குப் பகுதிகளில், மோசமடைந்து வரும் பதட்டம் குறித்து அமெரிக்கா, தனது குடிமக்களை விழிப்புடன் இருக்கும்படி எச்சரித்துள்ளது. 

இஸ்ரேலுக்கு ஆதரவாக அமெரிக்கா நடத்திய வான்வழித் தாக்குதல்களுக்கு பதிலடியாக,ஈரான் இஸ்ரேல் மீது ஏவுகணைத் தாக்குதல்களை நடத்தியுள்ளது.  

அதில், மத்திய மற்றும் வடக்கு இஸ்ரேலில் ,குறைந்தது மூன்று குடியிருப்புப் பகுதிகள்    பாதிக்கப்பட்டுள்ளதாக உள்ளூர் தகவல்கள் தெரிவிக்கின்றன.  

முன்னதாக,  ஈரான் நாடாளுமன்றம் Hormuz நீர்வழித்தடத்தை மூடுவதற்கு ஆதரவு தெரிவித்ததை அடுத்து அத்தாக்குதல் நடந்தது. 

----- 

அமெரிக்காவின் புதிய வரி குறித்து அந்நாட்டுடனான கலந்துரையாடலில் நல்ல முன்னேற்றம் காணப்படுகிறது! 

இந்த பேசசு வாரத்தை மலேசியாவின் விநியோகச் சங்கிலிகளைப் பாதுகாக்கவும், உள்ளூர் வணிகங்களுக்கு நேர்மறையான பலன்களை வழங்கவும் உதவும் என எதிர்ப்பார்க்கப்படுவதாக முதலீட்டு வர்த்தக மற்றும் தொழிற்துறை அமைச்சர் கூறினார். 

வெளிநாட்டுப் பொருட்களுக்கு அமெரிக்கா விதித்த வரி குறித்த மலேசியாவின் கருத்தைத் தெரிவிக்க, அமைச்சர் கடந்த வாரம் Washington சென்றிருந்தார். 

------ 

ஜொகூர் Senai- Desaru விரைவுச் சாலையில், கார் ஒன்று எதிர் திசையில் சென்ற விவகாரம் தொடர்பில் காவல் துறை விசாரிக்கிறது! 

சிங்கப்பூர் பதிவு எண்ணைக் கொண்ட அக்கார் எதிர்திசையில் செல்லும் காட்சிகள் அடங்கிய காணொலி ஒன்று சமூக ஊடகங்களில் பரவியது. 

------

இவ்வாண்டு அக்டோபருக்குள் மின்னியல் சிகரட் அல்லது வேப் விற்பனையைத் தடை செய்ய இலக்கு கொண்டுள்ளது பேராக் மாநில அரசு.