← Back to list

UPSI பேருந்து விபத்து; விசாரணைக்கு சிறப்பு பணிக்குழு!

Jun 09, 2025

பேராக், Gerik-கில் நிகழ்ந்த கொடூர சாலை விபத்தை விசாரிக்க, அரசு மலேசிய காவல் படை பணிக்குழு ஒன்றை அமைக்கவுள்ளது ! 

அது, MIROS, PUSPAKOM, போக்குவரத்து அமைச்சு,  பொதுப்பணி துறை அமைச்சு என பல நிறுவனங்களை உட்படுத்தியிருக்கும். 

அந்த சம்பவம் குறித்த தகவல் தெரிந்தவர்கள் விசாரணைக்கு உதவ முன்வருமாறு, காவல்துறை கேட்டுக்கொண்டுள்ளது. 

அதன் தொடர்பான தொடக்க  கட்ட விசாரணை நடந்து வருவதாகவும், Bukit Aman கூறியது. 

---- 

அவ்விபத்தில் பாதிக்கப்பட்டவர்களின்  குடும்பங்களுக்கு, உயர் கல்வி அமைச்சு தலா ஈராயிரம் ரிங்கிட் நிதி உதவி வழங்கவுள்ளது ! 

இதனிடையே, UPSI பல்கலைகழகம், பாதிக்கப்பட்ட அனைத்து மாணவர்களின் குடும்பங்களுக்கும், பேரிடர் நிவாரண உதவியாக,  ஓராயிரம் ரிங்கிட் வழங்கவுள்ளது. 

பேராக் அரசாங்கமும், பாதிக்கப்பட்டவர்களின் ஓருவொரு குடும்பத்துக்கும், 1,000 ரிங்கிட் உதவித் தொகையை வழங்க முன்வந்துள்ளது. 

--- 

இவ்வேளையில், அச்சாலை விபத்தில் பலியான 15 பேரின் பிரேத பரிசோதனை, இன்று இரவு வரை நீடிக்க வாய்ப்புள்ளதாக, மாநில காவல் துறை தெரிவித்துள்ளது. 

---- 

அவ்விபத்தில் உயிரிழந்தவர்களின் குடும்பங்களுக்கு மாட்சிமை தாங்கிய மாமன்னரும் அவரது துணைவியாரும் ஆழ்ந்த அனுதாபங்களைத் தெரிவித்துக்கொண்டுள்ளனர் !  

-----  

இதனிடையே, நாடு முழுவதும் நேற்று மட்டும்,1,400-க்கும் மேற்பட்ட சாலை விபத்துகள் பதிவுச் செய்யப்பட்டன; அதில் 17 மரணங்கள் பதிவாகின.