← Back to list

சடலமாக கண்டெடுக்கப்பட்டவர் யார் என்பது தெரிய வந்துள்ளது !

Jun 05, 2025

KL Bangsar-ரில் உள்ள  கட்டுமானத் தளமொன்றில், சடலமாகக் கண்டெடுக்கப்பட்ட ஒரு வெளிநாட்டு ஆடவரின் சடலம் அடையாளம் காணப்பட்டுள்ளது ! 

அந்நபர், சில நாட்களுக்கு முன்பு  காணாமல் போனதாக புகாரளிக்கப்பட்ட Jordan Johnson-Doyle தான் என்பது உறுதியாகிவிட்டதாக காவல்துறை கூறியது. 

பாதிக்கப்பட்ட அந்த நபர், தனது உறவினரால் அடையாளம் காணப்பட்டார். 

சம்பவ இடத்தில், எந்த குற்றவியல் அம்சங்களும் காணப்படாததால், அச்சம்பவம் திடீர் மரணமாக வகைப்படுத்தப்பட்டுள்ளதாக அத்துறை கூறியது. 

மாண்ட அந்த நபர், கடைசியாக, Bangsar-ரில் உள்ள, ஓர் இரவு கேளிக்கை மையத்தில் இருந்தது தெரிய வந்தது. 

---------- 

பள்ளி விடுமுறை நாட்களில், கை, கால், வாய்ப்புண் நோய் குறித்து, பெற்றொர்களும், குழந்தை பராமரிப்பாளர்களும், கூடுதல் விழிப்போடு இருங்கள் ! 

ஜொகூர், சிலாங்கூர், பேராக் உட்பட சில மாநிலங்களில், அந்நோய் சம்பவங்கள் அதிகரித்து வருவதை அடுத்து, குழந்தை தொற்று நோய் ஆலோசகர் ஒருவர் அவ்வாறு நினைவூட்டியுள்ளார்.  

இவ்வாண்டு ஜொகூரில் மட்டும், 17--ஆயிரத்துக்கும் மேற்பட்ட HFMD நோய் சம்பவங்கள் பதிவாகியுள்ளதாக, முன்னதாக செய்திகள் வெளிவந்தன.  

---------- 

ஹஜ் பெருநாளை முன்னிட்டு, பினாங்கில் 2.5 மில்லியன் வாகனங்கள் நுழையும் என எதிர்பார்க்கப்படுகிறது ! 

போக்குவரத்து நெரிசல் மற்றும் சாலை விபத்துகள் ஏற்படும் பகுதிகளைக் கண்காணிக்க, அதிகாரிகள் பணியமர்த்தப்பட்டுள்ளதாக, காவல்துறை Bernama-விடம் கூறியது. 

-------- 

இதனிடையே, நாடு முழுவதும் நேற்று மட்டும், 1,701 சாலை விபத்துகள் பதிவு செய்யப்பட்ட வேளை, 15 மரணங்கள் பதிவாகின. 

முந்தைய நாளில் பதிவான 1,740 சாலை விபத்துகளை விட, இது குறைவாக உள்ளது. 

--------- 

பல மாநிலங்கள், வேப் மற்றும் மின்னியல் சிகரெட்டுகளின் விற்பனையைத் தடுக்க முயற்சித்து வரும் நிலையில், அவற்றின் இணைய விற்பனையை கண்காணிக்கும்படி, MCMC பணிக்கப்பட்டுள்ளது.