← Back to list

பிரதமர் புத்தாண்டு வழ்த்து !

Apr 14, 2025

இன்று சித்திரை, வைசாக்கி, விஷு கொண்டாடுபவர்களுக்கு, பிரதமர் Datuk Seri Anwar Ibrahim தனது வாழ்த்துகளைத் தெரிவித்துக் கொண்டுள்ளார். 

நாம் பன்முகத்தன்மையை பெருமையுடன் கொண்டாடும் நாடாக இருப்பதால், அது நம்மை தனித்துவமாகவும் வலிமையாகவும் உருவாக்குவதாக அவர் கூறினார். 

இந்திய சமூகத்திற்கான வணிக நிதியுதவி உட்பட இந்திய சமூகத்தை மேம்படுத்துவதற்கான பல்வேறு திட்டங்களை அரசாங்கம் தொடர்ந்து மேற்கொள்ளும். 

அதேபோல் கல்வி, வழிபாட்டுத் தலங்கள், வேலைவாய்ப்புகள் உள்ளிட்ட அனைத்து முக்கிய அம்சங்களையும், அரசாங்கம் தொடர்ந்து மேம்படுத்தும், என்றாரவர். 

--------  

சிலாங்கூர் Putra Heights எரிவாயு குழாய் தீ விபத்து நடந்த இரண்டு வீடமைப்புப் பகுதிகளில், பழுதுபார்ப்புப் பணிகள், 90 விழுக்காடு நிறைவடைந்துள்ளன ! 

அப்பணிகள் இவ்வாரத்திற்குள் நிறைவடையும் என எதிர்பார்க்கப்படுகிறது. 

அதில், சாலையைச் சுத்தம் செய்தல், எரிந்த மற்றும் விழுந்த மரங்களை அப்புறப்படுத்துதல், குடியிருப்பாளர்களால் அப்புறப்படுத்தப்பட்ட, சேதமடைந்த வீட்டுப் பொருட்களை அகற்றுதல் ஆகியவை அடங்கும். 

வார இறுதியில் அரசு நிறுவனங்கள், தனியார் நிறுவனங்கள், அரசு சாரா நிறுவனங்கள் ஆகியவைச் சேர்ந்த நான்காயிரம் தன்னார்வலர்கள், அப்பணிகளில் பங்கேற்றனர். 

------- 

அடுத்த மாதம் வெளியிடப்படும் JPJ-யின் புதிய தர செயல்பாட்டு நடைமுறைகளின் கீழ், மற்ற வாகனமோட்டிகளின் உயிருக்கு ஆபத்தை விளைவிக்கும், கனரக வாகன ஓட்டுநர்கள் கடுமையான தண்டனைகளை எதிர்கொள்ள நேரிடும்.  

அந்த வாகனங்களை உட்படுத்திய விபத்துகள் அண்மைய காலங்களாக அதிகரித்து வருவதை அடுத்து, SOP-கள் வரைவு செய்யப்பட்டு வருவதாக, JPJ கூறியது. 

-------- 

இதனிடையே, நாடு முழுவதும் நேற்று மட்டும், 1,600-க்கும் மேற்பட்ட சாலை விபத்துகள் பதிவு செய்யப்பட்டன; அதில் 16 மரணங்கள் பதிவாகின. 

-------- 

பினாங்கில் கடந்த மாதம் உணவகமொன்றில், மியன்மார் ஆடவர் ஒருவர் கத்தியால் குத்திக் கொல்லப்பட்ட சம்பவம் தொடர்பில், அறுவரை காவல்துறை வலைவீசி வருகிறது. 

முன்னதாக, அச்சம்பவம் தொடர்பில், வெளிநாட்டினர் உட்பட எண்மர் கைதாகினர். 

-------- 

சபாவில் வெள்ளத்தால் 800-க்கும் மேற்பட்டோர் பாதிக்கப்பட்டுள்ள வேளை, ஜொகூரில் 190-க்கும் அதிகமானோர் PPS-சில் தங்கியிருக்கின்றனர்.