← Back to list

குற்றச்செயல்கள் குறைந்துள்ளன !

Apr 14, 2025

பினாங்கில் உள்ள மாரா அறிவியல் இளநிலை கல்லூரி MRSMமில் நிகழ்ந்த பகடிவதை சம்பவம் தொடர்பிலான விசாரணை அறிக்கை முழுமை பெற்றுவிட்டது! 

அது அரசு தரப்பு துணை வழக்கறிஞரிடம் சமர்ப்பிக்கப்பட்டுவிட்டதாக மாநில காவல் துறை தலைவர் தெரிவித்தார். 

அம்மாதிரியான சம்பவம் அங்கு ஒரு முறை தான் நிகழ்ந்திருப்பதும் விசாரணையில் உறுதியாகியிருக்கிறது. 

------ 

இதனிடையே இவ்வாண்டின் முதல் மூன்று மாதங்களில் பினாங்கின் குற்றச்செயல் குறியீடு 44 புள்ளி எட்டு விடுக்காடு குறைந்துள்ளது! 

அக்காலகட்டத்தில் அறுநூற்று 23 குற்றச்செயல்களே பதிவான வேளை, கடந்தாண்டின் அதே காலகட்டத்தில் அம்மாநிலத்தில் ஆயிரத்து நூருக்கும் மேற்பட்ட குற்றச்செயல்கள் பதிவுச் செய்யப்பட்டதாக காவல் துறை சொன்னது. 

வன்முறை குற்றச்செயல்களின் எண்ணிக்கையில் 30 விழுக்காடு சரிவு காணப்படுவதாக அத்துறை மேலும் கூறியது. 

------  

தேர்தல் சமயத்தில் புதிய அரசாங்க திட்டங்கள் எதனையும் அறிவிக்க முடியாது! 

வீடமைப்பு ஊராட்சித் துறை அமைச்சு அண்மையில் அறிவித்த ஆறு மில்லியன் ரிங்கிட்டுக்கும் மேல் மதிப்புடைய திட்டம், அயர் குனிங் மாநில சட்டமன்ற இடைத்தேர்தலுக்கான வேட்பாளர் நியமனத்திற்கு முன்பே இறுதிச் செய்யப்பட்டது என, பிரதமர் தெரிவித்தார். 

வேட்புமனித்தாக்கலுக்குப் பின்பு அது அறிவிக்கப்பட்டிருந்தால், அதன் அமைச்சருக்கு எச்சரிக்கை விடுக்கப்பட்டிருக்கும் என்றார் அவர். 

----- 

வசதியான பணிச்சூழல் இல்லாதது பெரும்பாலான மலேசியர்களிடையே அழுத்தத்தையும், சுகாதார சிக்கல்களையும் உண்டாக்குகிறது!  

குறிப்பாக அவர்களுக்கு முதுகுத்தண்டு, தசை மற்றும் மூட்டு வலி பிரச்னைகள் வருவதற்கு இதுவே காரணம் என, மலேசிய வேலையிட பாதுகாப்பு மற்றும் சுகாதார அமைப்பு கூறியிருக்கிறது.  

 -----   

சிலாங்கூர், கிள்ளானில் ஆள் கடத்தலில் ஈடுபட்டதாக சந்தேகிக்கப்படும் நபர் காவல் துறையால் சுட்டுக் கொல்லப்பட்டார்! 

முன்னதாக அந்நபர் 16 வயது பெண்ணை கடத்தி, அவளது குடும்பத்தாரிடமிருந்து இரண்டு லட்சத்து 80 ஆயிரம் ரிங்கிட் பணமும், நகைகளையும் பெற்ற பின்னர் அவளை விடுவித்ததாகக் காவல் துறை கூறியது. 

-------  

அமெரிக்காவின் வரி விதிப்பிலிருந்து எந்த நாடும் தப்ப முடியாது என கூறியுள்ளார் அதன் அதிபர் Donald Trump. 

இப்போதைக்கு சீனாவைத் தவிர்த்து மற்ற நாடுகளுக்கான வரி அமுலாக்கம் 90 நாட்கள் இடைநிறுத்தம் செய்யப்பட்டாலும், இன்னும் எதுவும் உறுதியாகவில்லை என அவர் கூறியுள்ளார்.