← Back to list

தீ விபத்து; இரு வாரங்களுக்குள் வாடகை தொகை !

Apr 11, 2025

சிலாங்கூர், Putra Heights-சில் நடந்த எரிவாயு குழாய் தீவிபத்தைத் தொடர்ந்து, வீட்டு வாடகை உதவி பெறும் குடியிருப்பாளர்களின் பட்டியலை சிலாங்கூர் அரசாங்கம் இறுதி செய்து வருகிறது ! 

அடுத்த இரண்டு வாரங்களுக்குள், அவர்களின் வங்கிக் கணக்குகளில், முதல் கட்டணப் பணம் போடப்படும் என மாநில Menteri Besar தெரிவித்துள்ளார். 

பாதிக்கப்பட்ட மாணவர்களுக்கு 500 ரிங்கிட், மடிக்கணினிகள், tablets-கள், புத்தக பற்றுச்சீட்டுகள் ஆகியவற்றை, அதிகாரிகள் ஏற்கனவே விநியோகித்துவிட்டதாகவும், Menteri Besar கூறினார். 

----------  

இதனிடையே, அந்த தீ விபத்தில் முழுமையாக சேதமடைந்த 81 வீடுகளை, மீண்டும் கட்டுவதற்கான செலவை அரசாங்கம் ஈடுசெய்யும் என Syarikat Perumahan Negara Berhad தெரிவித்துள்ளது. 

இப்போதைக்கு, மீண்டும் கட்டப்படும் வீடுகளுக்கான வடிவமைப்பு குறித்து, SPNB முடிவு செய்யவில்லை. 

------- 

இவ்வேளையில், அந்த தீச்சம்பவத்தில் பாதிக்கப்பட்டவர்கள், தங்களின் மார்ச் மாத தண்ணீர் கட்டணத்தைச் செலுத்த தேவையில்லை !

Air Selangor அந்த விலக்களிப்பை வழங்கியது.

---------- 

இதனிடையே, அந்த தீவிபத்தின் போது உதவிய ஐந்து பாக்கிஸ்தானியர்களுக்கு அந்நாடு மரியாதை அளித்து கெளரவித்திருக்கிறது.  

அவர்களுக்கு மலேசியாவுக்கான பாக்கிஸ்தானிய உயர் ஆணையம் கெளரவச் சான்றிதழை வழங்கியது.

---------- 

இன்று அதிகாலையில் பெய்த கனமழையைத் தொடர்ந்து சிலாங்கூரில் ஏற்பட்ட திடீர் வெள்ளத்தால், 800-க்கும் மேற்பட்டோர், துயர்துடைப்பு மையங்களில் தங்க வைக்கப்பட்டுள்ளனர்.

ஜொகூரில் 200-க்கும் மேற்பட்டோர் PPS-சில் இருக்கின்றனர்.

----------- 

இவ்வேளையில், சிலாங்கூர் Shah Alam-மில் வெள்ளத்தால், மின்சாரம் தாக்கியதாக நம்பப்படும், வெளிநாட்டு ஆடவர் ஒருவர் உயிரிழந்து் கிடக்க கண்டெடுக்கப்பட்டுள்ளார். 

அதே காரணத்தால் உயிரிழந்திருக்ககூடும் என அஞ்சப்படும் ஒரு நாயும், அந்த வெளிநாட்டு ஆடவரின் அருகில் கண்டெடுக்கப்பட்டது.

---------- 

மற்றொரு பக்கம், கெடா, பெர்லிஸ், பஹாங், கிளாந்தான், திரங்கானு, சபா, சரவாக்கில், இன்றிரவு 9 மணி வரை, இடியுடன் கூடிய கனமழை பெய்யலாம் என Met Malaysia தெரிவித்துள்ளது.