← Back to list

தீ விபத்து; உதவ முன்வரும் அரசு ஊழியர்கள் !

Apr 10, 2025

சிலாங்கூர் Putra Heights எரிவாயு குழாய் தீ விபத்தில் பாதிக்கப்பட்டவர்களுக்கு உதவ, சிலாங்கூர் அரசு ஊழியர்கள் முன்வந்திருக்கின்றனர். 

அவர்கள் Tabung Prihatin Selangor-ருக்கு, 1 லட்சம் ரிங்கிட்டுக்கும் மேல், நன்கொடையாக வழங்கவுள்ளனர். 

ஒவ்வொரு ஆட்சிக்குழு உறுப்பினர், சட்டமன்ற உறுப்பினர் மற்றும் அரசு ஊழியர், முறையே ஆயிரம் ரிங்கிட், இருநூறு ரிங்கிட், ஐம்பது ரிங்கிட் என, 1 லட்சம் ரிங்கிட்டுக்கும் அதிகமான தொகையை பங்களிக்கவுள்ளதாக, மாநில Menteri Besar தெரிவித்தார். 

 -------- 

இதனிடையே, அந்த தீ விபத்தில் சேதமடைந்த பொது கட்டுமானங்களைச் சரிசெய்ய, அரசாங்கம் 20 லட்சம் ரிங்கிட்டை ஒதுக்கியுள்ளது ! 

அந்நிதி,  சுபாங் ஜெயா நகராண்மைக் கழகத்துக்கு அனுப்பப்படும் என வீடமைப்பு, ஊராட்சித் துறை அமைச்சு தெரிவித்துள்ளது. 

பாதிக்கப்பட்ட பகுதிகளை சுத்தம் செய்ய, சம்பந்த்தப்பட்ட நிறுவனங்களும் உதவி வழங்கும் என அது மேலும் கூறியது. 

 -------- 

 இன்று முதல் ஒரு வாரத்திற்கு, தீபகற்ப மாநிலங்களில் RON97 பெட்ரோல் மற்றும் டீசல் சில்லறை விலை ஐந்து சென் குறைந்திருக்கும். 

 அதே சமயம், RON95 விலையில் மாற்றமில்லை. 

 -------- 

ஜொகூர் Batu Pahat-டில் வெள்ள நிலைமை மேம்பட்டுள்ளது ! 

அங்கு தற்போது முன்னூற்றுக்கும் குறைவானோர் மட்டுமே, தற்காலிக துயர்துடைப்பு மையத்தில் அடைக்கலம் நாடியிருக்கின்றனர். 

--------  

கடந்த வார நிலவரப்படி, கிளாந்தானில், கை, கால் மற்றும் வாய் நோய் சம்பவங்கள் 4,500-க்கும் அதிகமாக பதிவாகி, பத்து மடங்கு அதிகரித்துள்ளன. 

--------- 

அமெரிக்க அதிபர் டொனால்ட் டிரம்ப், வர்த்தகப் போர்களால் ஏற்பட்ட சந்தை மந்தநிலையை சரிசெய்ய, 90 நாள் வரி இடைநிறுத்தத்தை அறிவித்துள்ளார். 

பரஸ்பர வரியை 10 விழுக்காடாக குறைத்ததாகவும், அவர் அறிவித்தார். 

மேலும் சீனா மீதான வரிகளை அமெரிக்கா, 125 விழுக்காடாக உயர்த்தியுள்ளது. 

--------- 

ஏழே விநாடிகளில் இதய நோயை கண்டறியும் AI செயலியைக் கண்டுபிடித்த, அமெரிக்காவைச் சேர்ந்த 14 வயது இந்திய வம்சாவளி சிறுவனுக்கு, அமெரிக்க முன்னாள் அதிபர்கள் ஒபாமா, ஜோ பைடன் ஆகியோர் பாராட்டு தெரிவித்துள்ளனர். 

உலகளவில் நிகழும் இறப்புகளில், 31 விழுக்காட்டு உயிரிழப்புகள், இருதய நோய் தொடர்பானது என்பதே, தன்னை இந்த புதிய கண்டுபிடிப்பை உருவாக்க தூண்டியதாக, சித்தார்த் நந்த்யாலா தெரிவித்துள்ளார்.