← Back to list

தீ விபத்து; உதவி நிதி கொடுத்து முடிக்கப்படும் !

சிலாங்கூர் Putra Heights எரிவாயு குழாய் தீ விபத்தில் பாதிக்கப்பட்டவர்களுக்கான முதல் கட்ட உதவி நிதி, இவ்வாரத்தில் கொடுத்து முடிக்கப்படும் என எதிர்பார்க்கப்படுகிறது. 

கிட்டத்தட்ட 470 குடும்பங்கள் அந்நிதியைப் பெறும் என மாநில Menteri Besar, Datuk Seri Amirudin Shari தெரிவித்துள்ளார். 

வீடுகளின் சேத அளவைப் பொறுத்து, குடும்பங்கள் ஐயாயிரம் அல்லது பத்தாயிரம் ரிங்கிட் தொகையைப் பெறும் என அவர் கூறினார்.

அதே வேளை, ஈராயிரம் ரிங்கிட் வீட்டு வாடகைத் தொகை, அடுத்த வாரம் முதல் வழங்கத் தொடங்கப்படும் என எதிர்பார்க்கப்படுவதாகவும் அவர் சொன்னார். 

-------- 

இதனிடையே, அச்சம்பவத்தால் பாதிக்கப்பட்டவர்கள் தங்கியிருந்த தற்காலிக துயர்துடைப்பு மையங்கள், விரைவில் மூடப்படும் என Menteri Besar தெரிவித்துள்ளார். 

அதே சமயம், பழுதுபார்ப்பு பணிகளுக்குப் பிறகு, 270 வீடுகள் பயன்படுத்த பாதுகாப்பானவை என தீயணைப்பு வீரர்கள் உறுதிப்படுத்தியதையும் அவர் கூறினார். 

----------- 

மற்றொரு நிலவரத்தில், அவ்விபத்தால் பாதிக்கப்பட்டவர்களின் pre-paid மற்றும் post-paid  தொலைபேசி இணைப்புகளுக்கான கட்டணங்களை தள்ளுபடி செய்ய, தொலைத்தொடர்பு நிறுவனங்கள், முன்வந்துள்ளது. 

சேதமடைந்த சிம் கார்டுகள் இலவசமாக மாற்றி தரப்படும் என்றும் தொடர்புத்துறை அமைச்சர் தெரிவித்துள்ளார். 

--------

இவ்வாண்டு இதுவரை, கூட்டரசாங்கம் சிலாங்கூருக்கு, 14 மில்லியன் ரிங்கிட்டுக்கும் அதிகமான பேரிடர் நிவாரண நிதியை ஒதுக்கியுள்ளது.  

அது, அம்மாநிலத்தில் பேரிடரால் பாதிக்கப்பட்டவர்களுக்கு உதவுவதை நோக்கமாகக் கொண்டுள்ளது.  

கடந்த வாரம் Putra Height-சில் நடந்த எரிவாயு குழாய் தீ விபத்தில் பாதிக்கப்பட்டவர்களும் அதிலடங்குவர்.  

--------  

பேராக், மலாக்கா, ஜொகூர் உட்பட சில மாநிலங்களின் பெரும்பாலான பகுதிகளில், இன்றிரவு 8 மணி வரை, இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது. 

-------- 

நாடு மூழுவதும் நேற்று மட்டும், 1,800-க்கும் மேற்பட்ட சாலை விபத்துகள் பதிவு செய்யப்பட்டன; அதில் 8 மரணங்கள் பதிவாகின.