← Back to list

தீச்சம்பவம்; மாணவர்களுக்கு 500 ரிங்கிட் !

Apr 07, 2025

Selangor Putra Heights, எரிவாயு குழாய் தீ விபத்தால் பாதிக்கப்பட்டு நிவாரண மையங்களில் தங்கியிருக்கும் மாணவர்களில், 20 விழுக்காட்டினர் மட்டுமே இன்று பள்ளிக்குச் சென்றனர் ! 

பாதிக்கப்பட்ட மாணவர்களுக்கு உதவ, மாநில கல்வித் துறை, அதிகாரிகள் மற்றும், குழுக்களை நியமிக்கும் என மாநில Menteri Besar Datuk Seri Amirudin Shari தெரிவித்துள்ளார். 

அச்சம்பவத்தில் சேதமடைந்த பள்ளிப் பொருட்களை மாற்றுவதற்கு, பாதிக்கப்பட்ட அனைத்து மாணவர்களுக்கும், 500 ரிங்கிட் உதவித் தொகை வழங்கப்படும் என அவர் கூறினார். 

அதில் பாதிக்கப்பட்ட அல்லது நேரடியாக பாதிக்கப்படாத 265 மாணவர்கள் அடையாளங் காணப்பட்டனர். 

---------- 

இதனிடையே, அவ்விபத்தில் பாதிக்கப்பட்ட மாணவர்களைப் பள்ளிக்கு அனுப்ப, Rapid KL ஐந்து வேன்களை ஏற்பாடு செய்திருக்கிறது!   

சுபாங் ஜயா சுற்று வட்டாரப் பகுதிகளில் எழுபத்தாறு மாணவர்கள் அச்சேவையால் நன்மையடைந்துள்ளனர்.   

42 ஆரம்பப் பள்ளி மாணவர்களும், 34 இடைநிலைப் பள்ளி மாணவர்களும் அதிலடங்குவர் என, அந்நிறுவனம் தெரிவித்தது.   

-------- 

மற்றொரு பக்கம், அவ்விபத்துக்கு பிறகு, 350-க்கும் மேற்பட்டோர், உளவியல் ஆலோசனை பெற்றதாக, மகளிர், குடும்ப, சமூக மேம்பாட்டு அமைச்சு தெரிவித்துள்ளது. 

பாதிக்கப்பட்டவர்களில் சிலர் கடுமையான அதிர்ச்சிக்கு உள்ளானாலும், மொத்த பாதிக்கப்பட்டவர்களுடன் ஒப்பிடும்போது, இதுபோன்ற சம்பவங்கள் மிகக் குறைவு எனவும் அது குறிப்பிட்டுள்ளது. 

-------- 

இவ்வேளையில், அந்த தீச்சம்பவம் ஏற்பட்டிருந்த போதிலும், தீபகற்ப மாநிலங்களில், மின்சார விநியோகம் சீராக உள்ளது. 

ஆயினும், Shah Alam, கிள்ளான், Serdang, Puchong, Batu Tiga, Kapar உட்பட பல பகுதிகளில் எரிவாயு விநியோகம் பாதிக்கப்பட்டதாக, எரிசக்தி ஆணையம் தெரிவித்துள்ளது. 

-------- 

மற்றொரு நிலவரத்தில், Negeri Sembilan Sendayan-னில், எரிவாயு குழாய் அருகே புதிய வீட்டு கட்டுமானப் பணிகள் உள்ளனவா என்பதைச் சரிபார்க்கும்படி, Seremban மாநகர் மன்றத்துக்கு உத்தரவு வழங்கப்பட்டுள்ளது. 

அது குறித்து நேற்று, சமூக உடகங்களில் பரவலாகி, அப்பகுதி மக்களை கவலையடையச் செய்தது.