← Back to list

மலேசியா அதிர்ந்தது !

Mar 29, 2025

மியன்மாரில் நேற்று 7.7 Magnitude அளவில் ஏற்பட்ட வலுவான நிலநடுக்கத்தின் அதிர்வு, மலேசியாவிலும் உணரப்பட்டன.

அந்த சக்திவாய்ந்த நிலநடுக்கம் தான், தாய்லாந்து மற்றும் மலேசியா போன்ற அருகிலுள்ள நாடுகளிலும் அதிர்வுகளை உணரச் செய்ததற்கான காரணம்  என்கிறார், மலேசிய வானிலை ஆய்வு மையத்தின் துணை இயக்குநர் Ambun Dindang.. 

மியன்மாரில், அப்பேரிடரால் குறைந்தது 144 பேர் கொல்லப்பட்டதாகவும், 700-க்கும் மேற்பட்டோர் காயமடைந்ததாகவும், தெரிவிக்கப்பட்டுள்ளது.

--------- 

இதனிடையே, அந்நிலநடுக்கத்தைத் தொடர்ந்து, மியான்மர் மற்றும் தாய்லாந்தில் உள்ள அனைத்து மலேசியர்களும் பாதுகாப்பாக இருப்பதாக விஸ்மா புத்ரா உறுதிப்படுத்தியுள்ளது.  

பாதுகாப்பு மதிப்பீட்டு நோக்கங்களுக்காக, Bangkok-கில் உள்ள மலேசிய தூதரகம், தற்காலிகமாக மூடப்பட்டுளதாக அது கூறியது.  

அதே சமயம், அவ்விரு நாடுகளுக்குத் தேவையான உதவிகளை வழங்க, மலேசியா தயாராக இருப்பதாக பிரதமர் தெரிவித்துள்ளார். 

------- 

Johor குலுவாங்கில் ஐந்து உயிர்களை பலிகொண்ட சாலை விபத்து குறித்து, விரிவான விசாரணை நடத்தப்படும் என போக்குவரத்து அமைச்சு தெரிவித்துள்ளது. 

பாதுகாப்பு விதிமுறைகளை மீறும் போக்குவரத்து நிறுவனங்கள் மீது கடுமையான நடவடிக்கை எடுப்பதில் தமதமைச்சு உறுதியாக இருப்பதாக Anthony Loke கூறினார். 

விபத்துக்குள்ளான டிரெய்லர், குளோன் டயர்களைப் பயன்படுத்தியதாகக் கூறப்படுவது குறித்தும் விசாரணை நடத்தப்படும், என்றாரவர்.

--------- 

ஜொகூரில் வெள்ள நிலைமை சீரடைந்து வருகிறது. 

அங்கு தற்போது 100-க்கும் மேற்பட்டோர் மட்டுமே, துயர்துடைப்பு மையங்களில் தங்க வைக்கப்பட்டுள்ளனர். 

--------  

தேசியக் கொடி சின்னம் அணியாத மாணவர்கள், எந்தவொரு தண்டனையையும் எதிர்கொள்ள மாட்டார்கள் !  

அடுத்த மாதம், கட்டம் கட்டமாக செயல்படுத்தப்படும் அம்முயற்சி, தேசப்பற்று மற்றும் நாட்டின் மீதான அன்பின் உணர்வை நோக்கமாகக் கொண்டுள்ளதாக, கல்வியமைச்சு தெரிவித்துள்ளது.