← Back to list

வெள்ளம்; 50 மில்லியன் ஒதுக்கீடு !

Mar 22, 2025

ஜொகூரில் வெள்ளத்தால் பாதிக்கப்பட்டவர்களின் நிவாரண பணிகளுக்கு உதவ , கூட்டரசு அரசாங்கம் 50 மில்லியன் ரிங்கிட்டுக்கும் மேல் ஒதுக்கீடு வழங்கியிருக்கிறது! 

வெள்ளத்தால் பாதிக்கப்பட்ட குடும்பங்கள் மற்றும் தனிநபர்களுக்கான BWI உதவி, பேரிடர் நிர்வாக உதவி, துயர் துடைப்பு மையங்களின் பராமரிப்புப் பணிகளுக்கான உதவிகள் அதில் அடங்கும் என துணை அமைச்சர் தெரிவித்தார். 

ஆகக் கடைசி தகவல்படி ஜொகூரில் 11 ஆயிரத்துக்கும் மேற்பட்டோர் தற்காலிக துயர் துடைப்பு மையங்களில் தஞ்சம் புகுந்துள்ளனர். 

சபா மற்றும் சரவாக்கில் ஆயிரத்துக்கும் குறைவானோர் வெள்ளத்தால் பாதிக்கப்பட்டுள்ளனர். 

-----  

ஜொகூரில் நிலவி வரும் வெள்ளத்தால், ஏறக்குறைய ஆறு 5G தொலைதொடர்பு transmitter சேதமடைந்துள்ளன! 

அவற்றில் ஐந்து ஜொகூர் பாருவில் இருப்பதாகவும், ஒன்று Pontian-நில் இருப்பதாகவும் தொடர்புத்துறை துணை அமைச்சர் தெரிவித்தார். 

எனினும் அது 4G சேவையைப் பாதிக்கவில்லை; நிலைமை அணுக்கமாகக் கண்காணிக்கப்பட்டு வருவதாக துணை அமைச்சர் மேலும் சொன்னார். 

வெள்ளத் துயர் துடைப்பு மையங்களில் இலவச Wifi சேவையை ஏற்படுத்தித் தர மலேசிய தொடர்பு பல்லூடக ஆணையம் முன்வந்துள்ளது. 

----- 

கிளாந்தானில் நிறுவனர்களும் சமூக ஊடக பிரபலங்கள் சிலரும், போதை பொருள் கடத்தல் மற்றும் பணச்சலவையுடன் தொடர்புப்படுத்தப்பட்டு வருகின்றனர். 

இது முந்தைய கைதுகளில் மேற்கொள்ளப்பட்ட விசாரணையில் தெரிய வந்திருக்கிறது என மாநில காவல் துறை தெரிவித்துள்ளது. 

குற்றச்செயல்களை மறைக்க வணிகம் அவர்களுக்கு ஒரு கருவியாகப் பயன்பட்டு வந்துள்ளது. 

இதற்கு பின்னாள் உள்ள மூல சந்தேக நபர்கள் அடையாளம் காணப்பட்டுள்ளனர்; அவர்கள் மீது விரைவில் நடவடிக்கை எடுக்கப்படும் என்றும் காவல் துறை சொன்னது,  

------ 

சமூக ஊடகங்களிலிருந்து பிள்ளைகளை தூரமாகவே வைத்துக் கொள்ளும்படி பெற்றோர்களும் ஆசிரியர்களும் கேட்டுக் கொள்ளப்பட்டுள்ளனர். 

அவர்களை சமூக ஊடக உள்ளடக்கங்களுக்குப் பயன்படுத்தினால், அதனை சில தரப்பு பாலியல் குற்றங்களைப் புரித பயன்படுத்திவிடக் கூடும் என மகளிர் குடும்ப சமூக மேம்பாட்டு அமைச்சு கூறியது. 

முன்னதாக இதே ஆலோசனையைத் தொடர்புத்துறை அமைச்சு முன்வைத்திருந்தது. 

------ 

சோதனையிடுவதில் முதன்மை படுத்துவதற்காக 40 ஆயிரம் ரிங்கிட் கையூட்டு வாங்கியதாகக் கூறப்படும் PUSPAKOM முகவர் ஒருவரை, மலேசிய ஊழல் ஒழிப்பு ஆணையம் கைது செய்துள்ளது.