← Back to list

குழந்தைகள் பாலியல் பொருளா ?

Mar 21, 2025

மாற்றான் மகள் குளித்துக் கொண்டிருந்ததை வீடியோவில் பதிவுச் செய்த ஆடவருக்கு கடுமையான தண்டனை வழங்கக் கோரி, மேல்முறையீடு செய்யும்படி, சட்டத்துறை அலுவலகம் வலியுறுத்தப்பட்டுள்ளது ! 

அவருக்கு வெறும் ஆறாயிரம் ரிங்கிட் அபராதம் விதிக்கப்பட்டிருப்பது, அவர் புரிந்த குற்றத்தின் கடுமையைப் பிரதிபலிக்கவில்லையென மகளிர் குடும்ப சமூக மேம்பாட்டுத் துறை அமைச்சர் தெரிவித்துள்ளார். 

2017 சிறார் பாலியல் வன்கொடுமைச் சட்டத்தின் கீழ் வரும் குற்றங்களுக்கு, அதிகபட்ச தண்டனையாக 5 ஆண்டுகள் சிறைத்தண்டனையும், பத்தாயிரம் ரிங்கிட் அபராதமும் விதிக்கப்படலாம் என்பதை டத்தோ ஸ்ரீ நேன்சி ஷுக்ரி சுட்டிக் காட்டினார்.  

15 வயது மாற்றான் மகளின் அந்தரங்க படங்களை வீடியோவாகவும் புகைப்படமாகவும் எடுத்து, கைப்பேசியில் வைத்திருந்த குற்றத்திற்காக, ஜோகூர் மூவார் செஷன்ஸ் நீதிமன்றம், முன்னதாக அந்த 6,000 ரிங்கிட் அபராதத்தை விதித்தது..  

--------- 

பொதுச் சேவை துறை ஊழியர்களும், அத்துறையிலிருந்து ஓய்வுப் பெற்றவர்களும், விரைவில் நோன்புப் பெருநாள் நிதியுதவியைப் பெறவுள்ளனர் ! 

கிரேட் 15 மற்றும் அதற்குக் கீழுள்ளவர்கள், அடுத்த வாரம் நோன்புப் பெருநாள் சிறப்பு நிதியுதவியாக 500 ரிங்கிட்டை பெறவுள்ளதாக பிரதமர் தெரிவித்துள்ளார். 

அத்துறையிலிருந்து ஓய்வுப் பெற்றவர்கள், 250 ரிங்கிட்டை பெறுவர் என Datuk Seri Anwar Ibrahim கூறினார். 

---------

இதனிடையே, அப்பெருநாளை முன்னிட்டு பெர்லிசில், ஒப்பந்த ஊழியர்கள் உட்பட Gred 15 மற்றும் அதற்குக் கீழுள்ள அரசு ஊழியர்கள், 500 ரிங்கிட் சிறப்பு நிதியுதவியைப் பெறவுள்ளனர்.  

--------- 

மற்றொரு பக்கம், அப்பெருநாளைக் கொண்டாடும் வகையில், அனைத்து மலேசியர்களும் அடுத்த வாரம் சனி மற்றும் ஞாயிற்றுக்கிழமைகளில் Butterworth-இலிருந்து பினாங்கு தீவு வரைக்குமான இரு வழி, இலவச Feri சேவையை அனுபவிக்கலாம்.  

--------- 

அடுத்த வார திங்கட்கிழமை தொடங்கி, சுமார் 9 மில்லியன் மலேசியர்கள் பயனடையும் வகையில், இரண்டாம் கட்ட STR உதவித் தொகை விநியோகிக்கப்படுகிறது.