← Back to list

கனமழையில் மலேசியா !

Mar 20, 2025

மலேசியா அடுத்த வாரம் செவ்வாய்க்கிழமை, பருவமழை மாற்றக் கட்டத்தில் நுழைகிறது ! 

இந்நிலை மே மாதம் வரை நீடிக்கும் என எதிர்பார்க்கப்படுகிறது.  

அக்காலகட்டத்தின் போது, தீபகற்ப மாநிலங்கள் உட்பட நாட்டின் பெரும்பாலான பகுதிகளில், பலத்த காற்றுடன் கூடிய கனமழை பெய்யும் என மலேசிய வானிலை ஆய்பு மையம் தெரிவித்துள்ளது. 

அதனால் திடீர் வெள்ளம் ஏற்படும் வாய்ப்பும் உள்ளதாக அது சொன்னது. 

--------- 

இதனிடையே, ஜொகூரில் வெள்ள நிலைமை மோசமடைந்து வருவதை அடுத்து, அங்கு வெள்ளத் தடுப்பு திட்டங்கள் தீவிரப்படுத்தப்பட வேண்டுமென மாநில Menteri Besar தெரிவித்துள்ளார். 

அத்திட்டங்களில், தாமதம் என்ற பேச்சுக்கே இடமில்லை என அவர் கூறினார். 

அம்மாநிலத்தில் மட்டும் மூவாயிரத்துக்கும் மேற்பட்டோர் அப்பேரிடரால் பாதிக்கப்பட்டுள்ளனர். 

அதே சமயம், அந்த மாநிலத்தில் நூற்றுக்கும் மேற்பட்ட பள்ளி மாணவர்கள் அப்பேரிடரால் பாதிக்கப்பட்டுள்ள வேளை, நாளை வரை அங்கு தொடர்மழை பெய்யும் என, மலேசிய வானிலை ஆய்வு மையம் கணித்துள்ளது.  

---------- 

மற்றொரு நிலவரத்தில், இன்றிரவு 7 மணி வரை, கெடா, பெர்லிஸ் உட்பட சில மாநிலங்களின் பெரும்பாலான பகுதிகளில், இடியுடன் கூடிய கனமழை பெய்யலாம் எனவும் Met Malaysia சொன்னது. 

--------- 

மலாக்காவில், 10 வயது மாணவியை உடல் ரீதியாக தாக்கியதாக கூறப்படும் ஆசிரியர் கைது செய்யப்பட்டதை, காவல்துறை உறுதிப்படுத்தியுள்ளது.

---------- 

நோன்புப் பெருநாளுக்கான டோல் கட்டண விலக்களிப்பு குறித்து, பொதுப்பணித்துறை அமைச்சு, விரைவில் அறிவிக்கும் !