← Back to list

நெடுஞ்சாலைகளில் வாகனங்கள் அதிகரிக்கலாம் !

Mar 19, 2025

நோன்புப் பெருநாளுக்காக நிறைய பேர் தாயகம் திரும்புவதால், நெடுஞ்சாலைகளில் ஏற்படும் நெரிசலைக் குறைக்க, PLUS  பல நடவடிக்கைகளை எடுக்கும் ! 

நாடு முழுவதும் உள்ள பிரதான இடங்களில், 28 ஸ்மார்ட் லேன் பாதைகள் திறந்து விடப்படுவதும் அதிலடங்கும் என PLUS தெரிவித்துள்ளது. 

மக்கள் தாயகம் திரும்பும் அக்காலகட்டத்தில், PLUS நெடுஞ்சாலைகளில், 2.2 மில்லியன் வாகனங்கள் பயணிக்கும் என எதிர்பார்க்கப்படுகிறது

----------- 

இதனிடையே, அப்பெருநாளை முன்னிட்டு, சிலாங்கூர் அரசு ஊழியர்கள் கூடுதலாக அரை மாத சம்பளத்தை பெறவுள்ளனர். 

குறைந்தது ஆயிரம் ரிங்கிட் கொண்ட அந்த உதவித் தொகையை, அவர்கள் ஏப்ரல் 15-ஆம் தேதிக்குள் பெறுவர்.

---------- 

தேசிய நல்லிணக்கத்தைப் புண்படுத்தும் செயல்களை நிறுத்துமாறு, பிரதமர் டத்தோ ஸ்ரீ அன்வார் இப்ராஹிம் மீண்டும் அறைக்கூவல் விடுத்துள்ளார். 

ஒரு நாகரீகமான நாட்டைக் கட்டியெழுப்ப, அனைத்துத் தரப்பினரும் ஒருவரையொருவர் மதிக்க வேண்டும் என்ற கொள்கையைக் கடைப்பிடித்திருந்தால், ரமலான் மாதத்தில் சாப்பிட்டதற்காக, முதியவர் ஒருவர், முஸ்லிம் அல்லாத ஓர் இளைஞரை அறைந்ததாகக் கூறப்படும் சம்பவம் நடந்திருக்காது என அவர் சொன்னார். 

--------- 

இதனிடையே, அவ்விளைஞனை வேண்டுமென்றே  காயப்படுத்தியதாக, ஜொகூர் பாரு நீதிமன்றத்தில், அம்முதியவர் மீது குற்றச்சாட்டு சுமத்தப்பட்டது. 

எனினும் தம்மீதான அக்குற்றச்சாட்டை அவர் மறுத்தார். 

---------- 

ஊழல் மற்றும் பணச்சலவை குற்றச்சாட்டு தொடர்பில் முன்னாள் பிரதமர் Datuk Seri Ismail Sabri Yaakob, கிட்டத்தட்ட 6 மணி நேரங்களுக்கும் மேலாக தனது வாக்குமூலத்தைப் பதிவுச் செய்து, MACC-யை விட்டு வெளியேறினார்.