← Back to list

சமூக ஊடகங்களுடன் அடிமை !

Mar 13, 2025

மன ஆரோக்கியத்தை பாதிக்கக்கூடிய அளவில் சமூக ஊடகங்களுடன் அடிமைத்தனமாக இருக்கும் பிரச்சனையைக் கையாளும் நடவடிக்கையை MCMC தீவிரப்படுத்தியுள்ளது ! 

மலேசிய தொடர்பு பல்லூடக ஆணையமானது, அப்பிரச்சனையைக் நிவர்த்தி செய்ய, சுகாதார அமைச்சுடன் கை கோர்க்கவிருப்பதாக தொடர்புத் துறை அமைச்சு தெரிவித்துள்ளது. 

தமதமைச்சும், MCMC-யும், மனநலப் பிரச்சினைகள் தொடர்பான நிபுணத்துவத்தைக் கொண்டிருக்காததே அதற்குக் காரணம் என துணையமைச்சர் Teo Nie Ching மேலலையில் தெரிவித்தார். 

-------- 

அனைத்துப் பள்ளிகளிலும் தூய அறிவியல் பாடங்களில் மாணவர் சேர்க்கையை அதிகரிப்பதற்கான முயற்சிகளை, கல்வி அமைச்சு முடுக்கிவிட்டுள்ளது.  

அதற்காக, TVET-யில் கவனம் செலுத்தும், சிறப்பு உறைவிடப் பள்ளி முயற்சிகளை அறிமுகப்படுத்த, அவ்வமைச்சு அறிவியல், தொழில்நுட்பம் மற்றும் கண்டுபிடிப்பு அமைச்சுடன் இணைந்து செயல்படும்.  

தொழில்துறை தேவையைப் பூர்த்தி செய்ய, STEM-இல் மாணவர்களின் எண்ணிக்கையை 70 விழுக்காடாக அதிகரிக்கும்படி, முன்னதாக பிரதமர், கல்வியமைச்சை கேட்டுக்கொண்டார். 

--------- 

2020 முதல் இவ்வாண்டு வரை, 34 வயதுக்குட்பட்ட 5,200-க்கும் மேற்பட்ட இளைஞர்கள் திவாலானவர்களாக அறிவிக்கப்பட்டுள்ளனர்.   

இளைஞர்களிடையே திவால்நிலை விகிதம் 2023-ஆம் ஆண்டுடன் ஒப்பிடுகையில், கடந்தாண்டு 20 விழுக்காடு அதிகரித்துள்ளதாக, இளைஞர், விளையாட்டுத் துறை அமைச்சு தெரிவித்துள்ளது.   

கடந்தாண்டு பதிவான திவால்நிலை சம்பவங்களுக்கு, தனிநபர் கடன்கள் தான் முக்கிய காரணமென அவ்வமைச்சு மேலும் சொன்னது.  

-------- 

முன்னாள் பிரதமர் Datuk Seri Ismail Sabri Yaakob, MACC தலைமையகத்தில் ஆறு மணி நேர்ங்களாக வாக்குமூலம் அளித்துள்ளார்.  

ஊழல் மற்றும் பணச்சலவை குற்றச்சாட்டு தொடர்பில், அவர் தனது வாக்குமூலத்தை பதிவுச் செய்தார்.