← Back to list

உணவுகளை வீணடிக்காதீர் !

Mar 12, 2025

ரமலான் மாதத்தில், உணவுகள் வீணாவதைத் தடுக்க, மக்கள் உரிய நடவடிக்கை எடுக்க வேண்டும் என துணைப் பிரதமர் கேட்டுக்கொண்டுள்ளார். 

கடந்தாண்டு நோன்பு மாதத்தில், 75-ஆயிரம் டன் உணவு வீணாக்கப்பட்டதை, Datuk Seri Ahmad Zahid Hamidi சுட்டிக்காட்டினார். 

அது, 2023-ஆம் ஆண்டுடன் ஒப்பிடுகையில், 20 விழுக்காடு அதிகம் என அவர் கூறினார். 

வீணாகவிருக்கும் உணவுகளைத், தேவைப்படுபவர்களுக்கு கொடுப்பது மூலம், உணவுகள் வீணாவதைத் தடுக்கலாம் என அவர் மேலும் சொன்னார். 

-------- 

Deepfake தொழில்நுட்பத்தைப் பயன்படுத்தி செய்யப்படும் மோசடிகள் குறித்து கவனமாக இருக்கும்படி, காவல்துறை, பொதுமக்களுக்கு அறிவுறுத்தியுள்ளது. 

கடந்தாண்டிலிருந்து அதன் தொடர்பில் ஐந்து காணொலிகள் கண்டுபிடிக்கப்பட்டுள்ளதாகக் அத்துறை தெரிவித்திருக்கின்றது.   

AI எனப்படும் செயற்கை நுண்ணறிவு மூலம் தயாரிக்கப்படும் அக்காணொலிகளில், பிரதமர், அமெரிக்க அதிபர் உள்ளிட்ட பிரபல அரசியல்வாதிகளும், வணிகத் தலைவர்களும் இருப்பது போல் பதிவிடப்படுகிறது.   

கவர்ச்சிகரமான லாபத்தைத் தருவதாகக் கூறி, முதலீட்டு மோசடிகளை விளம்பரப்படுத்தவே, அக்காணொலிகள் பொதுவாகப் பயன்படுத்தப்படும் என அத்துறை கூறியது. 

-------- 

கொலை செய்யப்பட்ட Zayn Rayyan-னின் தாயார், தனது இரண்டு பிள்ளைகளின் கைகளைப் பிடித்துக்கொண்டு நடந்து செல்வதை, காணொலியாக சமூக ஊடகங்களில் பதிவு செய்தவரை, காவல்துறை தேடி வருகிறது. 

அந்த இரு பிள்ளைகளின் Zayn Rayyan-னும் ஒருவனாவான். 

அந்த காணொலிக்கும், மதிறுக்கம் கொண்ட அச்சிறுவனின் கொலைக்கும் தொடர்பிருக்கிறதா என்பதை கண்டுபிடிக்க, விசாரணைகள் நடத்தப்படும் என அத்துறை சொன்னது. 

2023-ஆம் ஆண்டில், அச்சிறுவன் சிலாங்கூர் Damansara Damai-யில் சடலமாகக் கண்டெடுக்கப்பட்டான். 

-------- 

பினாங்கில், நோயாளியிடம் அநாகரிகமாக நடந்து கொண்டதாக கூறி கைது செய்யப்பட்ட ஆண் மருத்துவர் மீதான விசாரணை ஆவணங்களை, காவல்துறை முடித்திருக்கிறது. 

அவர் நேற்று காவல்துறை பிணையில் விடுவிக்கப்பட்டார். 

-------- 

பஹாங் குவாந்தானில், மூன்று வயது பெண் குழந்தையைக் கொலை செய்ததாக, குழந்தை பராமரிப்பாளர் மீது நீதிமன்றத்தில் குற்றஞ்சாட்டப்பட்டுள்ளது.