← Back to list

Deepfake-ஐ பயன்படுத்தி மோசடி!

Mar 12, 2025

Deepfake தொழில்நுட்பத்தைப் பயன்படுத்தி செய்யப்படும் மோசடிகள் குறித்து கவனமாக இருக்கும்படி பொதுமக்கள் அறிவுறுத்தப்படுகின்றனர்! 

கடந்தாண்டிலிருந்து அதன் தொடர்பில் ஐந்து காணொலிகள் கண்டுபிடிக்கப்பட்டுள்ளதாகக் காவல் துறை தெரிவித்திருக்கின்றது. 

AI எனப்படும் செயற்கை நுண்ணறிவு மூலம் தயாரிக்கப்படும் அக்காணொலிகளில், பிரதமர், அமெரிக்க அதிபர் உள்ளிட்ட பிரபல அரசியல்வாதிகளும் வணிகத் தலைவர்களும் இருப்பது போல் பதிவிடப்படுகிறது. 

கவர்ச்சிகரமான லாபத்தைத் தருவதாகக் கூறி, முதலீட்டு மோசடிகளை விளம்பரப்படுத்தவே, அக்காணொலிகள் பொதுவாகப் பயன்படுத்தப்படும் என அத்துறை கூறியது. 

------ 

உரிமம் இல்லாத வாகனமோட்டிகள் மீது கடுமையான நடவடிக்கை எடுக்கும்படி வல்லுனர்கள் போக்குவரத்து அமைச்சை அறிவுறுத்தியிருக்கின்றனர்! 

குறிப்பாக பிள்ளைகளை வாகனம் ஓட்ட அனுமதிக்கும் பெற்றோர் மீது நடவடிக்கை எடுக்கப்பட வேண்டும் என, சாலை பாதுகாப்பு ஆர்வளர் ஒருவர் NSTயிடம் கூறியிருக்கிறார். 

சட்டவிரோதமான வாகனங்களுக்கு உயர் அபராதம் விதிப்பது உள்ளிட்ட தண்டனைகளும் கொடுக்கப்பட வேண்டும் என, மற்றொரு வல்லுனர் பரிந்துரைத்துள்ளார். 

------   

கிள்ளான் பள்ளத்தாக்கிலும், ஜொகூரிலும் பிறப்புச் சான்றிதழ் வழங்கும் விவகாரத்தில் மோசடி செய்து வந்ததாக சந்தேகிக்கப்படும் பொதுச் சேவை ஊழியர் உள்ளிட்ட 16 பேர் கைது செய்யப்பட்டுள்ளனர்! 

தாமதமாகப் பிறப்பைப் பதிவது, குடியுரிமையில் பொய்த் தரவைப் பதிவது உள்ளிட்ட குற்றங்களை அவர்கள் புரிந்திருப்பதாக நம்பப்படுகிறது.. 

------  

கெடா அலொர் ஸ்டாரைச் சேர்ந்த தொழிற்சாலையில் ஒன்றில் நிகழ்ந்த கைகலப்பில், மூவர் காயமடைந்துள்ளனர்! 

சம்பள விவகாரத்தில் ஏற்பட்ட அதிருப்தி காரணமாக, வாக்குவாதமாக இருந்த அப்பிரச்னை பின்னர் கைகலப்பில் முடிந்ததாகக் காவல் துறை கூறியது. 

------  

பஹாங், குவாந்தானில்,  தனியார் மருத்துவமனையில் உள்ள குழந்தை பாதுகாப்பு மையத்தில், உயிரிழந்த குழ்ந்தையை கொண்டு வைத்ததன் தொடர்பிலான விசாரணைக்காக, சகோதரிகள் இருவர் தடுத்து வைக்கப்பட்டுள்ளனர்.