← Back to list

தீபாவளிக்கு 2 நாட்கள் விடுப்பு !

Mar 07, 2025

இவ்வாண்டு தீபாவளிக்கு, பள்ளி மாணவர்கள் இரு நாட்கள் கூடுதல் விடுமுறையை அனுபவிக்கலாம். 

கல்வியமைச்சு அந்த கூடுதல் விடுமுறையை அறிவித்துள்ளது. 

அந்த இரு நாள் விடுமுறையானது, முதல் குழு மாநிலங்களுக்கு, ஆக்டோபர் 19 மற்றும் 21-ஆம் தேதிகளில் வழங்கப்படுகின்ற வேளை, இரண்டாம் குழு மாநிலங்களுக்கு, ஆக்டோபர் 21 மற்றும் 22-ஆம் தேதிகளில் வழங்கப்படுகிறது.   

வழக்கமாக அத்தீபத் திருநாளுக்கு, ஒரு நாள் மட்டுமே பொது விடுமுறை என்பது குறிப்பிடத்தக்கது. 

அதே வேளை, இவ்வாண்டு நோன்பு பெருநாளுக்கு , மாணவர்களுக்கு மூன்று நாட்கள் கூடுதல் விடுமுறை வழங்கப்பட்டிருக்கின்றது.   

--------  

பெண் பயணிகள் இருந்தாலும், ஆண் வாகன ஓட்டுநர்கள், பெண்களுக்கான வாகன நிறுத்தும் இடங்களைப் பயன்படுத்துவதைத் தவிர்க்க வேண்டும் ! 

அனைத்து மகளிர் செயல்பாட்டு சங்க சேவை அதிகாரி, பவித்ரா முனியாண்டி அவ்வாறு தெரிவித்துள்ளார்.  

தனியாகவோ அல்லது குழந்தைகளுடன் பயணம் செய்யும் பெண்களின் பாதுகாப்புக்கு முன்னுரிமை அளிக்கவே, அவ்வாறு செய்வதற்கான காரணம் என பவித்ரா கூறினார்.  

அந்த வாகன நிறுத்தும் இடங்களை, ஆண்கள் பயன்படுத்துவது, பெண்களின் பாதுகாப்பை பாதிப்பதாக அவர் சொன்னார்.

-------- 

போதுமான அளவு, போத்தல் சமையல் எண்ணெய் கையிருப்பு இருப்பதை உறுதி செய்ய,  நிறுவனங்களுக்கு சிறப்பு சலுகைகள் வழங்கப்படலாம் என உள்நாட்டு வாணிக, வாழ்க்கைச் செலவீன அமைச்சு தெரிவித்துள்ளது. 

கச்சா செம்பனை எண்ணெய் விலை உயர்வு காரணமாக, செலவுக் குறைப்பு நடவடிக்கையாக போத்தல் சமையல் எண்ணெய் உற்பத்தியாளர்கள், உற்பத்தியைக் குறைக்க வேண்டியுள்ளதாக அவ்வமைச்சு சொன்னது. 

-------- 

கோலாலம்பூர், பினாங்கு, கெடா உட்பட பல மாநிலங்களுக்கு, கனமழை எச்சரிக்கை விடுக்கப்பட்டுள்ளது. 

அம்மநிலங்களின் பெரும்பாலான பகுதிகளில், இன்றிரவு 9 மணி வரை, இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது. 

--------  

இதனிடையே, மலாக்கா மற்றும் Negeri Sembilan-னில், 130-க்கும் மேற்பட்டோர், வெள்ளத்தால் பாதிக்கப்பட்டு துயர்துடைப்பு மையங்களில் தங்கவைக்கப்பட்டுள்ளனர்.