← Back to list

தற்போதைக்கு திடீர் மரணம் தான் !

Mar 06, 2025

Putrajaya-வில் தனது அலுவலகத்தில் இறந்த நிலையில் கண்டெடுக்கப்பட்ட கருவூல அதிகாரி ஒருவரின், பிரேத பரிசோதனையின் அறிக்கைக்காக காவல்துறை காத்திருக்கிறது. 

அதுவரை, அவரின் மரணம், திடீர் மரணமாகவே வகைப்படுத்தப்படும் என அத்துறை கூறியது. 

ஏதேனும் புதிய முன்னேற்றங்கள் இருந்தால் அது மாறக்கூடும் என அத்துறை சொன்னது. 

அச்சம்பவம் குறித்து எந்தவொரு ஊகத்தையும் பரப்ப வேண்டாம் என அது அனைவரையும் கேட்டுக்கொண்டது. 

45 வயதான அந்த அதிகாரி நேற்று காலை கருவூல கட்டிட அலுவலகத்தின் தரையில் இறந்து கிடக்கக் கண்டெடுக்கப்பட்டார். 

---------  

இவ்வாண்டின் முதல் மூன்று மாதங்களில் மட்டும், வணிகக் குற்றங்களால் ஏற்பட்ட இழப்புகள், அரை பில்லியன் ரிங்கிட்டைத் தாண்டிவிட்டன!  

அதன் தொடர்பில், 9-ஆயிரத்துக்கும் மேற்பட்ட விசாரணை ஆவணங்கள் திறக்கப்பட்டுள்ளதாக, புக்கிட் அமான் குற்றப் புலனாய்வுத் துறை தெரிவித்துள்ளது. 

அது, கடந்தாண்டு இதே காலத்துடன் ஒப்பிடும்போது, கிட்டத்தட்ட 50 விழுக்காடு அதிகமாகும். 

---------- 

கூட்டரசு பிரதேசங்களில் புதிதாக கட்டப்படும் குடியிருப்பு பகுதிகளில், குடியிருப்பாளர்களின் பாதுகாப்பை உறுதி செய்ய, CCTV கேமராக்கள் பொருத்தப்பட வேண்டும் ! 

ஒவ்வொரு வீட்டுவசதி மேம்பாட்டாளரும், அந்தந்த உள்ளூர் அதிகாரிகளால் வரையறுக்கப்பட்ட தொழில்நுட்ப விவரக்குறிப்புகளுக்கு உட்பட்டு, தேவையான உள்கட்டமைப்பை வழங்க வேண்டும் என கூட்டரசு பிரதேச அமைச்சு தெரிவித்துள்ளது.

--------- 

சிலாங்கூர், பினாங்கு, பேராக், கெடா, உட்பட சில மாநிலங்களுக்கு, கனமழை எச்சரிக்கை விடுக்கப்பட்டுள்ளது ! 

அம்மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது. 

--------- 

இதனிடையே, Negeri Sembilan மற்றும் மலாக்காவில் 300-க்கும் மேற்பட்டோர் வெள்ளத்தால் பாதிக்கப்பட்டு, துயர்துடைப்பு மையங்களில் தங்க வைக்கப்பட்டுள்ளனர்.