← Back to list

இணைய வியாபார விதி ஒழுங்கு

Mar 06, 2025

இணைய வியாபாரங்களுக்கான விதிமுறைகள் ஒழுங்குப்படுத்தப்படும்! 

அதற்காக, தனது மின்னியல் வர்த்தகச் சட்டத்தின் மறு ஆய்வை உள்நாட்டு வாணிக வாழ்க்கைச் செலவீன அமைச்சு இறுதிச் செய்து வருகிறது. 

அதிரடியாக வளர்ந்து வரும் மின் வர்த்தகத் துறையில் எழும் பிரச்னைகளை கையாள, அச்சட்டங்கள் மறு ஆய்வு செய்யப்படுகின்றன. 

இது இலக்கவியல் சந்தை தொழில்நுட்ப வளர்ச்சிக்கு மத்தியில், பயனர்களைப் பாதுகாக்க அரசாங்கம் முன்னெடுத்து வரும் முயற்சிகளின் ஒரு பகுதியாகும். 

------  

2015ஆம் ஆண்டிலிருந்து கடந்தாண்டு வரை, மலேசியா எனது இரண்டாவது வீடு திட்டத்தின் கீழ், 22 ஆயிரத்து 300க்கும் அதிகமான விண்ணப்பங்கள் அங்கிகரிக்கப்பட்டுள்ளன! 

அவற்றுள் ஆக அதிகமான விண்ணப்பங்கள் 2019ஆம் ஆண்டில் சமர்ப்பிக்கப்பட்டவை என, சுற்றுலா, கலை, மற்றும் பண்பாட்டு அமைச்சு தெரிவித்துள்ளது. 

அதே சமயம், கோவிட் 19 பெருந்தொற்று காரணமாக, 2021ஆம் ஆண்டில் மிகக் குறைவான விண்ணப்பங்கள் பெறப்பட்டன. 

------  

நெகிரி செம்பிலானில் இவ்வாண்டின் முதல் இரு மாதங்களில் மட்டும் ஐநூற்று இருபத்து ஆறு மோசடிச் சம்பவங்கள் பதிவாகியிருக்கின்றன! 

கடந்தாண்டின் இதே காலகட்டத்தில் வெறும் முன்னூற்று முப்பத்தொரு சம்பவங்கள் மட்டுமே பதிவானதாக, மாநில காவல் துறை தலைவர் தெரிவித்துள்ளார். 

கடந்தாண்டு அந்த இரு மாதங்களில் பதிவான மொத்த இழப்பின் மதிப்பு 15 புள்ளி ஐந்து மில்லியன் ரிங்கிட் ஆகும். 

இவ்வாண்டு நட்ட மதிப்பு  21 புள்ளி 2 மில்லியன் ரிங்கிட் என அவர் கூறினார். 

------ 

பேராக், சிலாங்கூர், கோலாலும்புர், நெகிரி செம்பிலான், மலாக்கா மற்றும் ஜொகூரில் கனமழை எச்சரிக்கை! 

அம்மாநிலங்களின் சில பகுதிகளில் இன்று நன்பகல் ஒரு மணி வரை இடியுடன் கூடிய கனமழை பெய்யும் என மலேசிய வானிலைத் துறை கணித்துள்ளது. 

-----  

ERA வானொலியின் சமூக ஊடக பதிவு ஒன்றை அடுத்து, அதன் செயல்பாட்டு உரிமத்தை இடைக்கால ரத்து செய்ய, மலேசிய தொடர்பு பல்லூடக ஆணையம் MCMC வெளியிட்டுள்ள அறிவிக்கையை, Astro Audio கவனத்தில் எடுத்துக் கொண்டுள்ளது. 

அதற்கு அந்நிறுவனம் கொடுக்கப்பட்ட அவகாசத்திற்குள் விளக்கமளிக்கும். 

அதன் தொடர்பில் நடைபெற்று வரும் விசாரணைக்கு முழு ஒத்துழைப்பு வழங்கி, எல்லா தளங்களிலும் தர செயல்பாட்டு நடைமுறைகளையும், சமூக வழிகாட்டுதல்களையும் பின்பற்றும் என்ற தனது கடப்பாட்டை ERA மறு உறுதிச் செய்துள்ளது.