← Back to list

சொத்துடைமை வாடகையில் கவனம் !

Mar 05, 2025

சொத்து உரிமையாளர்கள் தங்கள் சொத்துக்களை, வாடகைக்கு விடுபவரின் பின்னணியை ஆராய வேண்டும்!

அவர்களின் சொத்துடைமைகள், மோசடி அழைப்பு மையங்களாகப் பயன்படுத்தப்படுவதைத் தவிர்க்க அது அவசியமாவதாக புக்கிட் அமான் தெரிவித்துள்ளது. 

சொத்துக்கள், மோசடி நடவடிக்கைகள் போன்ற சட்டவிரோத நடவடிக்கைகளுக்குப் பயன்படுத்தப்பட்டால், அதன் உரிமையாளர்கள் சட்டப்பூர்வ விளைவுகளைச் சந்திக்க நேரிடும் என புக்கிட் அமானின் வணிகக் குற்றப்புலனாய்வுத் துறை கூறியது. 

மோசடி செய்பவர்கள் பெரும்பாலும் ஒரு வருட வாடகையை முன்கூட்டியே செலுத்துகிறார்கள்; ஆனால் அதை நம்பி ஏமாந்துவிட வேண்டாம் என Datuk Seri Ramli Mohamed Yoosuf கேட்டுக்கொண்டார். 

அண்மையில், KL ஜாலான் துன் ரசாக்கில் உள்ள மூன்று அடுக்குமாடி குடியிருப்பு பகுதிகள் சோதனையிடப்பட்டதில், மோசடி அழைப்பு மையங்களை நடத்தியதாக சந்தேகிக்கப்படும் 11 சீன நாட்டினர் கைதாகினர். 

--------- 

இதனிடையே, சிறை துறை அதிகாரிகள் போல் தங்களை அடையாளப்படுத்திக் கொண்டு வரும் மோசடி அழைப்புகள் குறித்து, ஜாக்கிரதையாக இருக்கும்படி, கைதிகளின் குடும்ப உறுப்பினர்கள் கேட்டுக்கொள்ளப்பட்டுள்ளனர்.   

சிறைக் கைதிகளுக்கு சிறப்பு உணவுகளை வழங்குவதாகக் கூறி, மோசடிக்காரர்கள் கைதிகளின் குடும்பத்தினரிடம் பணம் கேட்பதாக சிறைத்துறை சொன்னது.  

------- 

இன்று பிற்பகல் வரையிலான சிலவரப்படி, கெடாவில் ஐந்து பகுதிகள் மற்றும் பேராக்கில் ஒரு பகுதியில், முதல் கட்ட வெப்பம் பதிவாகியதாக, மலேசிய வானிலை ஆய்வு மையம் தெரிவித்துள்ளது. 

அவ்விடங்களில், குறைந்தது மூன்று நாட்களுக்கு தொடர்ச்சியாக, 35 முதல் 37 பாகை செல்சியஸ் வெப்பநிலை பதிவாகியதாக அம்மையம் சொன்னது. 

--------- 

மற்றொரு பக்கம், கோலாலம்பூர், சிலாங்கூர் உட்பட பல மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என Met Malaysia கணித்துள்ளது.  

--------- 

நோன்பு பெருநாளை ஒட்டி, பினாங்கு மாநில பொதுச் சேவை ஊழியர்கள்,  இம்மாதம் 19-ஆம் தேதி முதல், போனஸாக அரை மாத சம்பளம் அல்லது குறைந்தது ஆயிரம் ரிங்கிட் தொகையைப் பெறவுள்ளனர்.