← Back to list

வீட்டு வன்முறை 30% அதிகரிப்பு !

Mar 04, 2025

மலேசியாவில் கடந்தாண்டு வீட்டு வன்முறை சம்பவங்கள் கிட்டத்தட்ட 30 விழுக்காடு அதிகரித்தது.

அது 7,100 சம்பவங்களை உட்படுத்தியது என மகளிர், குடும்ப, சமூக மேம்பாட்டு அமைச்சு தெரிவித்துள்ளது.  

அது மூன்று ஆண்டுகளில் இல்லாத அளவுக்கு அதிகமாகும்.

எனவே, 1994-ஆம் ஆண்டு வீட்டு வன்முறைச் சட்டம் மற்றும் பிற தொடர்புடைய சட்டங்களைத் திருத்த வேண்டியதன் அவசியத்தை, தமதமைச்சு மறுபரிசீலனை செய்யும் என அமைச்சர்  Datuk Seri Dr Noraini Ahmad மக்களவையில் தெரிவித்தார். 

---------- 

கெடா Alor Setar-ரில், கொன்று தீயிடப்பட்ட நிலையில் கண்டெடுக்கப்பட்ட மாது, தலையில் கடுமையான பொருளால் தாக்கப்பட்டதாலும், நெருப்பு புகையை உள்ளிழுத்ததாலும் மரணம் அடைந்துள்ளார் !

பிரேத பரிசோதனையின் மூலம் அது தெரிய வந்துள்ளதாக, காவல்துறை தெரிவித்துள்ளது. 

அம்மாதுவின் மகன் தான், தனது தாயான அவரை கொன்று, தீயிட்டு எரித்ததாக நம்பப்படுகிறது. 

--------- 

சிலாங்கூர் காஜாங்கில், வயதான தம்பதி ஒன்று, நபர் ஒருவரை காரால் மோதி சென்ற சம்பவம் குறித்த தகவல் அறிந்தவர்கள், விரைவில் காவல்துறையை நாடுங்கள் !  

இதுவரை அதன் தொடர்பில் யாரும் முன் வந்து தகவல் கொடுக்கவில்லையென காவல்துறை தெரிவித்துள்ளது.  

லோரி ஓட்டுநரான அந்நபர் மீது கொண்ட அதிருப்தியால், அந்த மூத்த தம்பதி, அச்செயலில் ஈடுபட்டதாக நம்பப்படுகிறது.  

--------- 

KL Kepong-கில், ஆறு வயது சிறுவனை வன்கொடுமை செய்து, உயிரிழக்க வைத்த தம்பதி ஒன்று கைதாகியுள்ளது ! 

அச்சிறுவனின் உடலில் பலமான பொருட்களால் தாக்கப்பட்ட காயங்கள் இருப்பது, பிரேத பரிசோதனையின் மூலம் தெரியவந்துள்ளது. 

------- 

கிழக்குக்கரை மாநிலங்களின் பயணங்களுக்காக, கொம்பாக் ஒருங்கிணைந்த பேருந்து நிலையம், மார்ச் 15-ஆம் தேதி முதல் செயல்படத் தொடங்கும் என எதிர்பார்க்கப்படுவதாக, போக்குவரத்து அமைச்சு தெரிவித்துள்ளது.