← Back to list

கினாபாலு மலை ஏற புதிய விதி.

Mar 04, 2025

கினாபாலு மலையை ஏறும் துணிகர நடவடிக்கையில் ஈடுபடுவோருக்கான கட்டுப்பாடுகளை, சபா மாநில அரசு மேம்படுத்தவிருக்கிறது! 

மலை ஏறுபவர்களின் வயதைக் கட்டுப்படுத்துவதும் அதிலடங்கும். 

அண்மையில் 70 வயது பிரிட்டிஸ் பிரஜை ஒருவர், மலேசியாவின் அந்த மிக உயரமான மலையிலிருந்து உயிரிழந்த சம்பவத்தை அடுத்து, அந்த கட்டுப்பாடுகள் கொண்டு வரப்படுகின்றன. 

2024ஆம் ஆண்டு மட்டும், ஒரு நாளைக்கு நூற்று முப்பத்து இரண்டு பேர் என, மொத்தம் நாட்பத்து எட்டாயிரத்து முன்னூருக்கும் அதிகமானோர் கினாபாலு மலையை ஏறியிருக்கின்றனர். 

அதில் குறைந்தது நால்வர் உயிரிழந்ததாக NST தகவல் கூறுகிறது. 

------  

மலேசிய மருத்துவ கவுன்சிலில் (MMC) அதிகாரம் பெற்ற மருத்துவர்கள் மட்டுமே, மனநலக் கோளாறுகளை கண்டறிய முடியும் என்று சுகாதார அமைச்சு தெரிவித்துள்ளது.  

ஒருவரின் மருத்துவ வரலாறு, அறிகுறிகள்,  உயிரியல், உளவியல் மற்றும் சமூக காரணிகளை மதிப்பிடுவதன் வழியே அவரின் மனநலக் கோளாறுகளைக்  கண்டறிய முடியும் என KKM  கூறியது.  

மனநல பிரச்னையைக் கண்டறியும் முறையைத் தவறாகப் பயன்படுத்தப்படுவதை, சட்ட ரீதியாக எவ்வாறு தவிர்ப்பது என எழுப்பப்பட்ட கேள்விக்கு அமைச்சு அவ்வாறு பதிலளித்தது. 

------- 

ரமலான் சந்தை பகுதிகளில் அவசர தொடர்பு எண்களை காட்சிக்கு வைக்க வேண்டும்! 

கெடாவில் இரு நாட்களுக்கு முன்பு ரமலான் சந்தையில் ஒரு முதியவர் மயங்கி விழுந்து இறந்ததைத் தொடர்ந்து, உள்ளூர் அதிகாரிகளுக்கு சுகாதார அமைச்சு அந்த நினைவூட்டலை வழங்கியது. 

------  

கடந்த ஆண்டு, சீனப் புத்தாண்டு, நோன்பு பெருநாள், தீபாவளி மற்றும் கிறிஸ்மஸ் போன்ற முக்கிய பண்டிகைகளின் போது, 118 மில்லியன் முதலாம் வகுப்பு  வாகனங்கள் நெடுஞ்சாலைகளைப் பயன்படுத்துகின்றன. 

சொந்த ஊர்களுக்குத் திரும்பியது, பள்ளி விடுமுறையை சாதகமாக்கிக் கொண்டு சுற்றிலா செல்வது ஆகிய காரணங்களால், வாகன எண்ணிக்கையில் அந்த உயர்வு தென்பட்டதாக பொதுப்பணி அமைச்சு கூறியது. 

--------  

கடந்த ஆண்டு, பிரதமர் தலைமையிலான 16 அனைத்துலக வர்த்தகக் கூட்டங்கள் மற்றும் 15 அதிகாரப்பூர்வ பயணங்களின் பலனாக, மலேசியா 115 பில்லியன் ரிங்கிட் முதலீடுகளைப் பெற்றுள்ளது.