← Back to list

கிக் தொழிலாளர்களின் மசோதா !

Mar 01, 2025

முன்மொழியப்பட்ட நிரந்தர வருமானம் இல்லாத, கிக் தொழிலாளர்களின் மசோதா தொடர்பில் எழுந்துள்ள கேள்விகளை கவனத்திற்கொள்ளும்படி, பிரதமர், மனிதவள அமைச்சரைக் கேட்டுக்கொண்டுள்ளார். 

நேற்றைய அமைச்சரவைக் கூட்டத்தில் அந்த மசோதா குறித்து பல்வேறு கருத்துகள் எழுப்பப்பட்டதாக, தொடர்புத்துறை அமைச்சர் Fahmi Fadzil தெரிவித்தார். 

அம்மசோதா இவ்வாண்டு நாடாளுமன்றத்தில் தாக்கல் செய்யப்படும் என நம்பப்படுகிறது. 

--------- 

நாடு முழுவதும் உள்ள அனைத்து TVET நிறுவனங்களிலும், நேர்மை மற்றும் ஊழல் எதிர்ப்பு கல்விகளைக் கட்டாயமாக்கும் நடவடிக்கை, லஞ்சத்தை எதிர்த்துப் போராட அரசாங்கத்துக்கு உதவும்.  

முறையான கல்வி முறை மூலம், ஊழலுக்கு எதிரான தகவல்களைத், திறம்பட ஊக்குவிக்க அந்த கல்விகள் உதவும் என  MACC தெரிவித்துள்ளது.  

தற்போது, நாடு முழுவதும் மொத்தம் 1,345 TVET பயிற்சி நிறுவனங்கள் உள்ளன.

----------- 

சுகாதார அமைச்சின் கீழ் பதிவு செய்யப்படாத பாரம்பரிய மருத்துவப் பயிற்சியாளர்கள், இன்று முதல் சட்ட நடவடிக்கைகளுக்கு உட்படுத்தப்படலாம். 

சம்பந்தப்பட்டவர்களுக்கு, பத்தாயிரம் ரிங்கிட் வரை அபராதம் அல்லது மூன்று மாதங்கள் வரை சிறைத்தண்டனை அல்லது இரண்டுமே விதிக்கப்படலாம் என KKM தெரிவித்துள்ளது. 

கடந்த மாதம் நிலவரப்படி, சுகாததார அமைச்சு, பாரம்பரிய மற்றும் நிரப்பு மருத்துவ பயிற்சியாளர்களிடமிருந்து, 18-ஆயிரத்துக்கும் மேற்பட்ட பதிவு விண்ணப்பங்களைப் பெற்றது. 

-------- 

சிலாங்கூர் ரவாங்கில், நாயொன்று அடித்து கொல்லப்பட்டது குறித்து காவல்துறை விசாரணையைத் தொடங்கியுள்ளது ! 

தனது வீட்டில் இருந்து அந்த நாய் உணவைத் திருடியதால், நபர் ஒருவர் அவ்வாறு செய்ததாகக் கூறப்படுகிறது.

---------- 

சிலாங்கூர் சுபாங் ஜாயாவில் உள்ள அடுக்குமாடி குடியிருப்பின் நான்காவது மாடியிலிருந்து, ஜப்பானிய பெண் ஒருவர் தவறி விழுந்து உயிரிழந்துள்ளார்.