← Back to list

சிறுமி அதிர்ச்சியிலிருந்து மீளவில்லை !

Feb 26, 2025

சிலாங்கூர் பள்ளிவாசல் ஒன்றில், சிறுமி பாலியல் வன்கொடுமைக்கு ஆளான காட்சிகள் அடங்கிய காணொலியைப் பகிர வேண்டாம் ! 

மகளிர், குடும்ப சமூக மேம்பாட்டு அமைச்சு, பொதுமக்களை அவ்வாறு கேட்டுக்கொண்டுள்ளது. 

பாதிக்கப்பட்ட சிறுமிக்கு குழந்தைகள் சட்டம் 2001-இன் கீழ், பாதுகாப்பு அளிக்கப்பட்டுள்ளதாகவும், அந்த காணொலியைப் பகிர்வது பொருத்தமற்றது எனவும் அமைச்சர் Datuk Seri Nancy Shukri தெரிவித்துள்ளார். 

பாதிக்கப்பட்டவர் இன்னும் அந்த வன்கொடுமை அதிர்ச்சியிலிருந்து மீளவில்லையென Nancy Shukri கூறினார். 

அச்சிறுமிக்கும், அவளது குடும்பத்தினருக்கும் ஆதரவாக, தமதமைச்சு,  காவல்துறையுடன் இணைந்து பணியாற்ற, தயாராக இருப்பதாக அவர் மேலும் சொன்னார். 

அதுபோன்ற சம்பவங்களைத் தவிர்க்க, குறிப்பாக ரமலான் மாதத்தில் தொழுகை நேரத்தில், பள்ளிவாசல்கள் பாதுகாப்பு நடவடிக்கைகளை கடுமையாக்க வேண்டும் என அவர் கேட்டுக்கொண்டார்.

---------- 

கடந்தாண்டு மொத்தம் 247 நிர்வாக உரிமங்கள் ரத்து செய்யப்பட்டன ! 

ரத்து  செய்யப்பட்ட நிறுவனங்களின் கீழுள்ள எல்லா வாகனங்களும் செயல்பட முடியாது என போக்குவரத்து அமைச்சு தெரிவித்துள்ளது. 

அந்நிறுவனங்கள், சாலை பாதுகாப்பு விதிமுறைகளை கடைபிடிக்காமல் இருந்த காரணத்தால், அந்நடவடிக்கை மேற்கொள்ளப்பட்டது.

---------- 

RON97, RON95 மற்றும் diesel விலையில் ஒரு வாரத்திற்கு மாற்றமில்லை என நிதியமைச்சு தெரிவித்துள்ளது.

---------- 

கெடா சுங்கை பட்டானியில், சக ஊழியரைக் கொலை செய்து புதைத்ததாக, எழுவர் மீது இன்று குற்றஞ்சாட்டப்பட்டுள்ளது. 

---------- 

பெர்லிசில், தனது தந்தையின் தலை மற்றும் காதை பாராங்கத்தியால் வெட்டியதாக கூறப்படும், மனநலம் குன்றியவர் என நம்பப்படும் ஒருவரை காவல்துறை கைதுச் செய்துள்ளது.

------------ 

நாடு முழுவதும் நேற்று மட்டும், கிட்டத்தட்ட ஈராயிரம் சாலை விபத்துகள் பதிவு செய்யப்பட்டன; அதில் 10 மரணங்கள் பதிவாகின.