← Back to list

எந்தவொரு தமிழ்ப்பள்ளியும் மூடப்படாது !

Feb 24, 2025

MADANI அரசாங்கத்தின் கீழ் நாட்டில் எந்தவொரு தமிழ்ப்பள்ளியும் மூடப்படாது ! 

கல்வியமைச்சர் Fadhlina Sidek, அவ்வாறு உத்தரவாதம் அளித்துள்ளார். 

ஒன்பதே மாணவர்கள் பயிலும், கெடா கத்தும்பா தோட்டத் தமிழ்ப்பள்ளியை, அவர் மேற்கோள்காட்டி அவ்வாறு கூறினார். 

அங்கு ஒன்பதே மாணவர்கள் பயின்றாலும், அவர்கள் அனைவரும், மற்ற பள்ளிகளில் பயிலும் மாணவர்களைப் போன்று, கல்வி உள்ளிட்ட வசதிகளை பெறுவதை தமதமைச்சு உறுதிச் செய்யும் என்றாரவர்.

-------- 

இதனிடையே, தேர்ந்தெடுக்கப்பட்ட 10 உயர் கல்வி கூடங்களில் பயிலும், 10 லட்சம் மாணவர்கள், 50 ரிங்கிட் முதலீட்டுத் தொகையை பெறவுள்ளனர். 

ஐந்து ஆண்டுகளுக்கு சம்பந்தப்பட்ட மாணவர்கள், தங்களுக்காக திறக்கப்படும் வங்கிக் கணக்குகளில் இருந்து, ஐந்து ஆண்டுகளுக்கு அப்பணத்தை எடுக்க முடியாது என இரண்டாவது நிதியமைச்சர் தெரிவித்துள்ளார். 

நீண்ட கால சேமிப்பை ஊக்குவிக்கும் வகையில், அந்நிதி பூட்டி வைக்கப்படும். 

--------- 

மலாக்காவில், ரமலான் முதல் நாளில் வழங்கப்படும் விடுமுறை, நோன்பு பெருநாளின் மூன்றாவது நாளுக்கு மாற்றப்பட்டுள்ளது. 

வழக்கமாக அப்பெருநாளுக்கு இரண்டு நாட்கள் விடுமுறை மட்டுமே வழங்கப்படும். 

எனவே, Raya-வின் போது , மக்கள் தங்களுடைய குடும்பத்தாருடன் கூடுதல் நாட்களுக்கு இணைந்து கொண்டாட ஏதுவாக, அம்முடிவு எடுக்கப்பட்டிருப்பதாக, மாநில முதலமைச்சர் தெரிவித்துள்ளார். 

------- 

18 ஊடக கணக்குகள் நீக்கப்பட்டது குறித்து விளக்கம் பெற, MCMC திக்தோக்குடன் பேச்சு வார்த்தை நடத்தி வருகிறது.   

அந்த கணக்குகளில், அண்மையில் சிலாங்கூர் Batang Kali-யில் மசூதியொன்றில், பெண் ஒருவர் பாலியல் வன்கொடுமை செய்யப்பட்டது தொடர்பான பதிவுகள் இருந்ததால் தான், அக்கணக்குகள் நீக்கப்பட்டதாக தனக்கு தெரிவிக்கப்பட்டதாக, தொடர்புத்துறை அமைச்சர் Fahmi Fadzil தெரிவித்தார். 

------- 

நாடு முழுவதும் நேற்று மட்டும், 1,500-க்கும் குறைவான சாலை விபத்துகள் பதிவு செய்யப்பட்ட வேளை, 17 மரணங்கள் பதிவாகின.