← Back to list

மிட்டாய்களுக்கு தடை !

Feb 21, 2025

பள்ளி மைதானத்திற்கு அருகில், மெல்லும் மிட்டாய்களை விற்க தடை விதிக்க, FOMCA அறிவுறுத்துகிறது!    

அவ்வகையான மிட்டாய்களால் பிள்ளைகள் மூச்சுத் திணறி உயிரிழக்கும் சம்பவங்களைத் தடுக்க, முன்முயற்சியான நடவடிக்கைகள் எடுக்கப்பட வேண்டும் என FOMCA உறுப்பினர் Saral James Maniam தெரிவித்துள்ளார். 

அதே வேளை, பள்ளி வளாகத்திற்கு வெளியே, உணவு மற்றும் பானங்கள் விற்பனை செய்யப்படுவதை, கல்வி அமைச்சு கடுமையாக கண்காணிக்கும்.  

பள்ளிக்கு வெளியே வாங்கிய ஜெல்லி மிட்டாயை உண்டு, மூச்சு திணறல் ஏற்பட்டு 10 வயது சிறுவன் உயிரிழந்தது குறிப்பிடத்தக்கது. 

-------- 

இவ்வேளையில், அச்சிறுவனின் மரணத்தில் குற்ற அம்சங்கள் எதுவும் இல்லை என்பதை காவல்துறை உறுதிப்படுத்தியுள்ளது. 

அச்சிறுவனின் பிரேத பரிசோதனையின் மூலம் அது தெரியவந்துள்ளதாக அத்துறை கூறியது.

---------

இந்தியர்களை இழிவுபடுத்தும் விதமான அறிவிப்பு அட்டை ஒன்றை வைத்திருந்த சோள வியாபாரி மீது, இன்று செப்பாங் நீதிமன்றத்தில் குற்றம் சாட்டப்பட்டு 400 ரிங்கிட் அபராதம் விதிக்கப்பட்டது.  

செல்லாத பயண ஆவணம் வைத்திருந்த இந்தோனேசியாவைச் சேர்ந்த அவரது  மனைவிக்கு, 3 மாத சிறை தண்டனை வழங்கி தீர்ப்பளிக்கப்பட்டது.

---------- 

மலேசிய காவல் துறையில் 35 ஆண்டு கால சேவைக்கு பின், சிலாங்கூர் மாநில காவல்துறை துணைத் தலைவர் DCP டத்தோ’ சசிகலா தேவி சுப்ரமணியம் அதிகாரப்பூர்வமாக பணி ஓய்வு பெற்றார். 

-------- 

நாடு முழுவதும் நேற்று மட்டும், 1,700-க்கும் மேற்பட்ட சாலை விபத்துகள் பதிவு செய்யப்பட்டன; அதில் 8 மரணங்கள் பதிவாகின.