← Back to list

இன முரண்பாடுகள் ஏற்படும் !

Feb 12, 2025

மதத்தின் கூறுகளை உள்ளடக்கிய நடவடிக்கைகள் தொடர்பான, அரசாங்கத் துறைகள் மற்றும் நிறுவனங்களுக்கான வழிகாட்டுதல்களை, தேசிய ஒருமைப்பாட்டு அமைச்சு கொண்டிருக்கவில்லை ! 

ஆயினும், கலாச்சார பன்முகத்தன்மை, பழக்கவழக்கங்கள், பண்டிகைகள் மற்றும் பாரம்பரியத்தை கொண்டாடும் அதே வேளையில், மலேசியர்களிடையே சமூக இடைவெளியைக் குறைக்க பல திட்டங்கள் இருப்பதாக அதன் அமைச்சர் தெரிவித்துள்ளார். 

அது அனைத்து மலேசியர்களிடையே புரிந்துணர்வையும், மரியாதையையும், ஏற்றுக்கொள்ளலையும் வளர்ப்பதற்கான, அரசாங்கத்தின் உறுதிப்பாட்டிற்கு இணங்குவதாக அவர் கூறினார். 

அம்மாதிரியான முயற்சிகள் இல்லையென்றால், இன முரண்பாடுகள் மற்றும் நல்லிணக்கச் சீர்கேடுகள் ஏற்படும் என்றாரவர்.

-------- 

இருக்கை வார்ப்பட்டை அணியாததால், கடந்த பத்தாண்டுகளில் சாலை விபத்துகளில் எத்தனை பேர் இறந்துள்ளனர் என்பதை அதிகாரிகள் வெளிப்படுத்த வேண்டும் ! 

சாலைப் பாதுகாப்பு ஆர்வலர் ஒருவர், அதிகாரிகளை அவ்வாறு கேட்டுக்கொள்ளப்பட்டுள்ளனர். 

அந்த வார்ப்பட்டை அணியாமல் இருக்கும் போது ஏற்படும் அலார சத்தத்தை முடக்கும், போலி கொக்கிகளைப் பயன்படுத்துபவர்களும் அதிலடங்கும் என அந்த ஆர்வலர் தெரிவித்துள்ளார். 

இதுபோன்ற சாதனங்களைப் பயன்படுத்துவது குறித்து, மலேசிய சாலைப் பாதுகாப்பு ஆராய்ச்சி நிறுவனம் எச்சரிக்கை விடுத்து, 5 ஆண்டுகளுக்குப் பிறகும், டம்மி கொக்கிகள் ஏன் விற்கப்படுகின்றன என்றும் அவர் கேள்வி எழுப்பினார். 

--------- 

இடைநிலைப் பள்ளி மாணவர்களின் ஆங்கிலத் திறனை மேம்படுத்த உதவும் வகையில், பழைய கல்விக் கொள்கைகளை அதிகாரிகள் மறுபரிசீலனை செய்ய வேண்டும் என பிரதமர் கேட்டுக்கொண்டுள்ளார்.  

தகவல் தொடர்பு மற்றும் பொருளாதார வாய்ப்புகளுக்கு, மொழியியல் பன்முகத்தன்மை முக்கியமானது என அவர் கூறினார்.  

------- 

நாடு வடகிழக்கு பருவமழையின் இறுதிக் கட்டத்துக்குள் இருப்பதால்,  பேராக், பஹாங், கிளாந்தான் உள்ளிட்ட சில பகுதிகளில் வெப்ப நிலை ஏற்படும் என மலேசிய வானிலை ஆய்வு மையம் எச்சரித்துள்ளது.  

அந்த வெப்ப நிலை மார்ச் மத்தி வரை இருக்கும் என எதிர்பார்க்கப்படுகிறது.  

-------- 

2024 ஊழல் புலனாய்வு குறியீட்டில், மலேசியா 50 மதிப்பெண்களைத் தக்கவைத்து, உலகளவில் 57-வது இடத்தில் உள்ளது.