← Back to list

பிரம்படிக்கு அதிகாரமில்லை !

Feb 05, 2025

தலைமையாசிரியர் அல்லது சம்பந்தப்பட்ட ஆசிரியர் மட்டுமே மாணவர்களுக்கு, பிரம்படி கொடுக்க முடியும் !  

அது 1959 கல்வி (பள்ளி ஒழுக்கம்) விதிமுறைகளின் கடுமையான வழிகாட்டுதல்களுக்கு உட்பட்டது.  

தடியடி உள்ளிட்ட, தப்பு செய்யும் மாணவர்ளுக்கு எதிராக, உடல் ரீதியான நடவடிக்கை எடுக்க, பெற்றொருக்கோ அல்லது பொதுமக்களுக்கோ எந்த அதிகாரமும் வழங்கப்படவில்லை என கல்வியமைச்சு தெரிவித்துள்ளது.  

பள்ளி சபைகூடுதல் அல்லது பொது இடங்களில் கூட அவர்கள் அம்மாணவர்களுக்கு எதிராக அவ்வாறு செய்ய முடியாது என அது சொன்னது.  

மாணவிகளுக்கு அம்மாதிரியான தண்டனைகள் கொடுக்கப்படக் கூடாது என அது மேலும் கூறியது. 

பள்ளியில் காலை சபை கூடுதலின் போது, பகடிவதை செய்யப்பட்ட மாணவர்களின் பெற்றோரையோ அல்லது பாதுகாவலரையோ, பகடிவதை செய்த மாணவர்களை பிரம்பால் அடிக்க, அமைச்சு அனுமதிக்க தயாராக உள்ளதா என கேள்வி எழுப்பப்பட்ட போது அவ்வமைச்சு அவ்வாறு கூறியது. 

--------- 

தாய்லாந்துக்கு பயணமாகவிருக்கும் மலேசியர்கள், எச்சரிக்கையுடன் இருக்கவும், அந்நாட்டின் பாதுகாப்பு நடவடிக்கைகளை கடைபிடிக்கவும் அறிவுறுத்தப்பட்டுள்ளனர்.  

நாராதிவாட்டில் நடந்த அண்மை வெடிகுண்டு தாக்குதலைத் தொடர்ந்து, அவ்வறிவுறுத்தல் வழங்கப்பட்டுள்ளது.  

-------- 

ஜொகூரில், தனது மனைவியின் காரை தீ வைத்து எரித்த சந்தேகத்தின் பேரில் கைதான நபர், 7 நாட்களுக்கு தடுத்து வைக்கப்படுகிறார்.  

குடும்பத் தகறாரால் அச்சம்பவம் நடந்ததாக நம்பப்படுகிறது.   

-------- 

பெர்லிஸ் Kangar-ரில் உள்ள உணவகமொன்றில் தனது பெண் குழந்தையை விட்டுச் சென்றதாக கூறப்படும் பெண்ணின் தடுப்புக் காவல் வரும் வெள்ளிக்கிழமை வரை நீட்டிக்கப்பட்டுள்ளது. 

நடப்பிலுள்ள அவரின் தடுப்புக் காவல் இன்றோடு முடிவடையவிருந்தது.  

------- 

ஜொகூர், சபா, சரவாக்கில் வெள்ளத்தால் பாதிக்கப்பட்டவர்களின் எண்ணிக்கை 11-ஆயிரத்தைக் கடந்துள்ளது.