← Back to list

தகுதியானவர்களுக்கு மட்டுமே மானியம் !

Feb 03, 2025

இலக்கிடப்பட்ட மானியங்கள், தகுதியானவர்களுக்கு மட்டுமே சென்று சேர வேண்டும் ! 

அரசாங்கத்தின் நிதி நிலையை வலுப்படுத்தக் கூடிய, அந்த மானிய முறையை, மாட்சிமை தங்கிய மாமன்னர் Sultan Ibrahim வரவேற்றுள்ளார். 

ஆயினும், அது தகுதியானவர்களுக்கு மட்டுமே, விரைவாகவும் திறமையாகவும் வழங்கப்பட வேண்டும் என அவர் அறிவுறுத்தினார். 

15-ஆவது நாடாளுமன்றத்தின், 4-ஆம் தவணைக்கான முதலாம் கூட்டத் தொடரை தொடக்கி வைத்த போது, மாமன்னர் அவ்வாறு கூறினார். 

-------- 

அண்மையில், சிலாங்கூர் கடற்கரையொன்றில், இந்தோனேசிய பிரஜை ஒருவர் சுட்டுக் கொல்லப்பட்ட சம்பவம் குறித்து முழுமையான விசாரணை நடத்தப்பட்டு வருகிறது !  

அதனை உள்துறை அமைச்சு உறுதியளித்துள்ளது.  

அச்சம்பவம் தொடர்பில் ஒருவர் கைதாகியதாக அவ்வமைச்சு கூறியது. 

அந்த சம்பவம், போதைப்பொருள் அல்லது ஆயுதங்கள் கடத்தலுடன் தொடர்புடையதாக இருக்கலாம் என காவல்துறை கூறுவதாக, அமைச்சு சொன்னது. 

-------- 

மின்சாரக் கட்டணம் 14 விழுக்காடு உயர்த்தப்படும் எனக் கூறப்படுவதை பிரதமர் மறுத்துள்ளார். 

ஜூலையில் அமலுக்கு வரும் அதன் புதிய கட்டணம், மக்களுக்கு பாதிப்பை ஏற்படுத்தாத வகையில், சிறிதளவிலான அதிகரிப்பாகத் தான் இருக்கும் என அவர் கூறினார். 

--------- 

வெள்ளத்தால் சரவாக்கில் பன்னிரெண்டாயிரத்துக்கும் மேற்பட்டோர் பாதிக்கப்பட்டுள்ள வேளை, சபாவில் 155 பேர் PPS-சில் அடைக்கலம் புகுந்துள்ளனர்.  

சரவாக்கில் சில பகுதிகளில், நாளை தொடங்கி, நாளை மறுநாள் வரை தொடர் மழை பெய்யலாம் என மலேசிய வானிலை ஆய்வு மையம் எச்சரிக்கை விடுத்துள்ளது.  

-------- 

ஜொகூரில், குடும்பத் தகறாரால் தனது மனைவியின் காரை தீ வைத்து எரித்ததாகக் கூறப்படும் நபரை காவல்துறை வலைவீசி வருகிறது.