← Back to list

தைப்பூசத்தில் அதிகமான தேங்காய் உடைக்காதீர் !

Feb 01, 2025

25 மில்லியன் ரிங்கிட் உடனடி ஒதுக்கீடு சபா, சரவாக்கிற்கு வழங்கப்பட்டுள்ளது. 

அவ்விரு மாநிலங்களும் வெள்ளத்தால் பாதிக்கப்பட்டுள்ளதை அடுத்து, பிரதமர் அவ்வொதுக்கீட்டை அறிவித்தார். 

அப்பேரிடரால் சேதமடைந்த உள்கட்டமைப்புகளைச் சீரமைக்க அந்நிதி பயன்படுத்தப்படும். 

அந்த நிதியுதவி வழங்கிய மத்திய அரசாங்கத்துக்கு, சபா முதலமைச்சர் நன்றி தெரிவித்துக் கொண்டுள்ளார்.  

வெள்ளத்தால் பாதிக்கப்பட்ட ஒவ்வொரு குடும்பத்துக்கும், ஆயிரம் ரிங்கிட் வழங்கப்படுவது, அந்த நிவாரண நிதியில் அடங்கும். 

--------- 

சபா, சரவாக்கில் வெள்ள நிலவரம் மோசமடைந்துள்ளது. 

அவ்விரு மாநிலங்களிலும், எட்டாயிரத்துக்கும் மேற்பட்டோர், அப்பேரிடரால் பாதிக்கப்பட்டுள்ளனர். 

பாதிக்கப்பட்ட அவர்கள் அனைவரும் 79 PPS மையங்களில் அடைக்கலம் புகுந்துள்ளனர். 

இதனிடையே, சரவாக்கில் சில பகுதிகளில் இன்று முழுவதும் தொடர் மழை பெய்யும் என மலேசிய வானிலை ஆய்வு மையம் கணித்துள்ளது.

--------- 

பினாங்கு தைப்பூசத்தில், அதிகமான தேங்காய்களை உடைப்பதைக் குறைத்துக்கொள்ளுங்கள் ! 

அம்மாநில முதலமைச்சர் Chow Kon Yeow, அனைத்து பக்த மெய்யன்பர்களையும் அவ்வாறு கேட்டுக்கொண்டுள்ளார். 

அந்த மாநிலத்தில் முதிர்ந்த தேங்காய்களுக்கு கடும் தட்டுப்பாடு ஏற்பட்டுள்ளதே அதற்குக் காரணம் என அவர் தெளிவுப்படுத்தினார்.

----------- 

இதனிடையே, ஆசியான் மாநாடு முழுவதும், போக்குவரத்தை நிர்வகிப்பதிலும், பாதுகாப்பை மேம்படுத்துவதிலும், பினாங்கு கவனம் செலுத்தவிருக்கிறது. 

அம்மாநில காவல்துறை தலைவர் அதனை தெரிவித்துள்ளார். 

--------- 

Negeri Sembilan Nilai-யில், பாதுகாப்புக்கு அச்சுறுத்தலாக காரை செலுத்திச் சென்ற முதியவர் கைதாகியுள்ளார்.