← Back to list

ஓட்டுநர் உரிமம் ரத்து !

Jan 23, 2025

மாற்றுத்திறனாளிகளின் ஓட்டுநர் உரிமத்தை ரத்து செய்யவோ அல்லது மீட்டுக் கொள்ளவோ, அரசாங்கம் எண்ணம் கொண்டிருக்கவில்லை! 

ஆயினும், தவறுகள் நடந்தால் அவர்கள் மீது நடவடிக்கை எடுக்கப்படலாம் என போக்குவரத்து அமைச்சு தெரிவித்துள்ளது.. 

மாற்றுத்திறனாளிகள் அனைவருமே, பாதுகாப்பாக வாகனங்களை இயக்க ஏற்புடையவர்கள் அல்ல என நாம் பொதுவாக நினைத்துவிடக் கூடாது. 

அத்தரப்பினருக்கும், தங்களின் அன்றாட வாழ்க்கையை வழிநடத்த அவ்வுரிமம் அவசியமாவதாக அமைச்சு கூறியது. 

மனநலம் பாதிக்கப்பட்ட நபர் ஒருவர் செலுத்திய மோட்டார் சைக்கிள், திரங்கானுவில் உள்ள விவசாய சந்தை கடை ஒன்றை மோதி விபத்துக்குள்ளான சம்பவம் குறித்து கேள்வி எழுப்பப்பட்டதை அடுத்து, அமைச்சு அவ்வாறு சொன்னது. 

-------- 

வசதியுள்ளவர்கள், தொடர்ந்து மானியங்களை அனுபவிக்கக் கூடாது என பிரதமர் Datuk Seri Anwar Ibrahim மீண்டும் வலியுறுத்தியுள்ளார். 

அந்நோக்கத்திற்காக, இலக்கிடப்பட்ட டோல் கட்டணச் சலுகையை செயல்படுத்தும் சிறந்த வழிமுறையை ஆராய்ந்து வருவதாக பிரதமர் கூறினார். 

------- 

இவ்வாண்டு இணைய பாதுகாப்பு இயக்கம் நடத்தப்படும் ! 

அவ்வியக்கம் ஆரம்பப் பள்ளி மற்றும் இடைநிலைப்பள்ளிகளிலும் நடத்தப்படும் என தொடர்புத் துறை அமைச்சு தெரிவித்துள்ளது.. 

சமூகத்தின் அனைத்துப் பிரிவினருக்கும், இணையம் பாதுகாப்பானதாக இருப்பதை உறுதிசெய்யும் நடவடிக்கையாக அது அமைகிறது. 

--------- 

நாடு முழுவதும் நேற்று மட்டும் 1,600-க்கும் மேற்பட்ட சாலை விபத்துகள் பதிவு செய்யப்பட்டன; அதில் 16 மரணங்கள் பதிவாகின. 

-------- 

லாஸ் ஏஞ்சல்ஸ் நகர் அருகே மீண்டும்  காட்டுத் தீ பரவத் தொடங்கியுள்ளது.  

அதனால் முப்பதாயிரத்துக்கும் மேற்பட்டோர், தங்களின் வீடுகளை விட்டு வெளியேற உத்தரவிடப்பட்டுள்ளனர்.