← Back to list

வளர்ந்த நாடாக மலேசியா !

Jan 20, 2025

மலேசியா வளர்ந்த நாடு என்ற அந்தஸ்தைப் பெற அரசாங்கம் அவசரப்படவில்லை ! 

ஆயினும், தற்போதைய கணிப்புகளின் அடிப்படையில், வெளிநாட்டு முதலீட்டாளர்களை ஈர்க்கும் திறனுடன், நாம் நல்ல நிலையில் உள்ளோம் என பொருளாதார அமைச்சு தெரிவித்துள்ளது. 

நமது நாட்டின் சிறந்த பொருளாதாரம் காரணமாக, 2028 அல்லது 2029-ஆம் ஆண்டுக்குள், மலேசியா வளர்ந்த நாடு எனும் அந்தஸ்தை அடையும் சாத்தியம் இருப்பதாக அவ்வமைச்சு கூறியது. 

-------- 

நிதியை தவறாக நிர்வகித்த அல்லது மோசடியில் ஈடுபட்ட வழக்கறிஞர்களால், கடந்த நான்கு ஆண்டுகளில், 160 மில்லியன் ரிங்கிட்டுக்கும் அதிகமான இழப்பு ஏற்பட்டுள்ளது.  

அதில் மூத்த குடிமக்களே அதிகம் பாதிக்கப்பட்டுள்ளதாக, Bukit Aman கூறியதை The Star மேற்கோள்காட்டியது.  

அது போன்ற சம்பவங்கள் தீவிரமாக எடுத்துக்கொள்ளப்படுவதாகவும், மேலும் அவ்வாறு நிகழ்வதை தடுக்க, வழக்கறிஞர் மன்றம், தங்கள் நடைமுறைகளையும், நெறிமுறைகளையும் கடுமையாக்க வேண்டும் என Bukit Aman கூறியது.  

-------- 

கடந்த ஆண்டு வெள்ளத்தால் சேதமடைந்த உள்கட்டமைப்புகளை சீரமைக்கும் பணிகளை, அரசாங்கம் துரிதப்படுத்தும் என தொடர்புத்துறை அமைச்சர் உறுதியளித்துள்ளார்.  

இதனிடையே, சரவாக்கின் பெரும்பாலான பகுதிகளில், வரும் வியாழக்கிழமை வரை தொடர்மழை பெய்யலாம் என Met Malaysia தெரிவித்துள்ளது. 

-------- 

இவ்வேளையில், நாடு முழுவதும், 100-க்கும் மேற்பட்ட Petronas AutoExpert கிளைகளில், மலிவான விலையில் MADANI கார் பராமரிப்புச் சேவை package-கள் அறிமுகப்படுத்தப்படும் என அவ்வமைச்சு தெரிவித்திருக்கின்றது.  

அத்திட்டம், சீனப் புத்தாண்டை முன்னிட்டு வரும் 24-ஆம் தேதி தொடங்கி 28-ஆம் தேதி வரை அமுலில் இருக்கும்.  

------ 

திரங்கானுவில், விவசாயச் சந்தையில் மாற்றுத்திறனாளி ஒருவரை அடித்த சம்பவம் தொடர்பில் கைதான ஐந்தாவது நபர், இன்று முதல் மூன்று நாட்களுக்கு தடுத்து வைக்கப்படுகிறார். 

அதன் தொடர்பில், மொத்தமாக ஐவர் கைதாகியுள்ளனர்.