← Back to list

WBB முறை !

Jan 18, 2025

மாறுபட்ட வேலை நேரம் அமைப்பு முறை, மருத்துவர்கள் உட்பட சுகாதாரப் பணியாளர்களின் பணிச் சுமையை குறைக்கும் ! 

சுகாதார அமைச்சர் Datuk Seri Dr Dzulkefly Ahmad அவ்வாறு தெரிவித்துள்ளார்.  

மருத்துவ அதிகாரிகள், மருத்துவ நிபுணர்களுக்கான தற்போதைய on-call அமைப்பு, ஷிப்ட் அமைப்புக்கு இணையாக இயங்கும், மூன்றாவது அமைப்பு இதுவாகும் என அவர் கூறினார். 

மாறுப்பட்ட வேலை நேரம் அமைப்பு என்பது, கடந்தாண்டு ஜனவரி 22-ஆம் தேதி முதல், தேர்ந்தெடுக்கப்பட்ட சுகாதார வசதிகளில் பல துறைகளில், மருத்துவ அதிகாரிகள், மருத்துவ நிபுணர்களை இலக்காகக் கொண்டு மேற்கொள்ளப்பட்ட, நடவடிக்கையாகும் என்றாரவர்.  

--------- 

வெளிநாட்டில் இருக்கும் மலேசியர்கள், தாயகத்தில் கிடைக்கும் தொழில்நுட்ப முன்னேற்றங்கள், நிபுணத்துவம் மற்றும் திறமைகளை குறைத்து பார்க்க வேண்டாம் என பிரதமர் Datuk Seri Anwar Ibrahim அவ்வாறு தெரிவித்துள்ளார்.  

உலக முதலீட்டாளர்கள் நமது நாட்டில் இருக்கும் தொழில்நுட்ப வல்லமையை தொடர்ந்து அங்கீகரிப்பதால், அவர்களில் பலர், மலேசியாவில் வணிகம் செய்து பல வருடங்கள் கழித்தும் தொடர்ந்து முதலீடு செய்து வருவதாக அவர் கூறினார்.  

--------- 

இதனிடையே, அன்வார் இப்ராஹிம், பணி நிமித்தமாக பெல்ஜியமுக்கு பயணமாகவுள்ளார்.

--------- 

சிலாங்கூர் கிள்ளானில், மீன் பிடிக்கும் தளத்தில், தனது தொழிலாளிகளை அடித்து உதைத்ததாக நம்பப்படும் மீன் பண்ணை உரிமையாளர் ஒருவர் கைது செய்யப்பட்டுள்ளார். 

அதன் தொடர்பான காட்சிகள் அடங்கிய காணொலி ஒன்று, சமூக ஊடகங்களில் பரவலாகப் பகிரப்பட்டிருந்தது.

---------- 

நெகிரி செம்பிலான், சிலாங்கூர், கோலாலம்பூர், பேராக் ஆகிய மாநிலங்களில், சுய சேவை சலவைக் கடைகளில் புகுந்து கொள்ளை, வாகனத் திருட்டு என, 19 குற்றச் சம்பவங்களில் ஈடுபட்டதாக சந்தேகத்தின் பேரில் இருவர் கைது செய்யப்பட்டுள்ளனர்.

------------ 

சிலாங்கூரில், முகநூலில் இல்லாத ஒரு முதலீட்டு திட்டத்தை நம்பி, தனியார் நிறுவன மேலாளர் ஒருவர் 6.1 மில்லியன் ரிங்கிட்டுக்கும் அதிகமான பணத்தை பறிகொடுத்துள்ளார்.