← Back to list

பள்ளிகள் வெள்ளத்திலிருந்து தள்ளியிருக்க வேண்டும் !

Dec 17, 2024

அனைத்து புதிய பள்ளிகளும், வெள்ளம் மற்றும் பிற பேரழிவுகள் ஏற்படாத பாதுகாப்பான இடங்களில் கட்டப்பட வேண்டும் ! 

பருவநிலை மாற்றத்தின் விளைவுகளால் அந்தப் பள்ளிகள் கடுமையாகப் பாதிக்கப்படாமல் இருப்பதை உறுதி செய்ய அது அவசியமாவதாக கல்வியமைச்சு தெரிவித்துள்ளது. 

வெள்ளத்தால் பாதிக்கப்பட்ட பள்ளிகளின் பழுது மற்றும் பராமரிப்பு பணிகள், உடனடியாக மேற்கொள்ளப்படும் என்றும் அதன் அமைச்சர் Fadhlina Sidek கூறினார். 

-------

இதனிடையே, சபாவில் 80 பேரும், ஜொகூரில் 36 பேரும் வெள்ளத்தால் பாதிக்கப்பட்டு, 2 துயர் துடைப்பு மையங்களில் அடைக்கலம் நாடியிருக்கின்றனர். 

இவ்வார ஞாயிற்றுக்கிழமை வரை இந்த பருவமழை தொடருமென எதிர்பார்க்கப்படுகின்ற நிலையில், தீபகற்ப மாநிலங்கள், சபா, சரவாக், லபுவானில் தொடர் மழை பெய்யலாம் என மெட் மலேசியா சொன்னது. 

---------- 

சபா Ranau-வில் இன்று காலை, 3.1 Magnitude அளவிலான நிலநடுக்கம் ஏற்பட்டதாக, மலேசிய வானிலை ஆய்வு மையம் தெரிவித்துள்ளது.  

--------- 

ஜொகூர் Skudai-யில் உள்ள ஓர் உணவகம், குப்பைத் தொட்டியில் இருந்து, சேகரிக்கப்பட்ட காய்கறிகளை வாடிக்கையாளர்களுக்கு வழங்கியதாகக் கூறி பரவாலாகியுள்ள காணொலியை, அதிகாரிகள் விசாரித்து வருகின்றனர். 

அதனை நிராகரித்த அவ்வுணவக உரிமையாளர், அது பொறுப்பற்ற தரப்பினரின் செயலாகும் என கூறினார். 

-------- 

எதிர்வரும் கிறிஸ்துமஸ் மற்றும் புத்தாண்டை முன்னிட்டு, நாட்டின் முக்கிய நெடுஞ்சாலைகளில், வாகனங்களின் எண்ணிக்கை 2 மில்லியனாக இருக்கும் என PLUS மலேசியா நிறுவனம் கணித்துள்ளது.